ಕನಸಿನ ಅಮಿತೋದ್ಯಾನದಲ್ಲಿ
ತೊಟ್ಟಿಕ್ಕುವ ಮಳೆಹನಿಗಳು
ಕಿಟಕಿಯೊಳಗಿನಿಂದ ನುಸುಳುವ
ಸೂರ್ಯರಶ್ಮಿಯನ್ನಪ್ಪಿದಾಗ
ಅಂತರಂಗದ ಕಾಮನ ಬಿಲ್ಲು
ಆಕಾಶಕೆಲ್ಲ ಚಾಚಿದೆ!
-ಪ್ರಸನ್ನ
Tuesday, August 10, 2010
Friday, January 29, 2010
ಆ ಒಂದು ತೊದಲು ನುಡಿ!
ಹೊಂಗೆ ಮೊಗ್ಗಿನ ಹಳ್ಳಿ ದಾರಿಯಲ್ಲೊಂದು ಹಳ್ಳ
ಹಳ್ಳದ ಬದುವಿನಲ್ಲೊಂದು ಘಮ ಘಮಿಸುವ ಮಲ್ಲಿಗೆ ತೋಟ
ಮಲ್ಲಿಗೆ ತೋಟದ ಬೇಲಿಯಲ್ಲೊಂದು ಹೂಬಿಟ್ಟ ಬೇವಿನಮರ
ಬೇವಿನಮರದ ಬಿಳಿಹೂವಿನ ಮೇಲೊಂದು ಕೆಂಪು ಚಿಟ್ಟೆ
ಕೆಂಪು ಚಿಟ್ಟೆಯ ಹಾದಿಯುದ್ದಕ್ಕೂ ಮಂಜಿನ ಹನಿ
ಮಂಜಿನ ಹನಿಗಳ ದಾಟಿಬಂದ ಸೂರ್ಯನಿಗೆ ಸಪ್ತವರ್ಣ!
ಸಪ್ತವರ್ಣಗಳನ್ನೂ ನಾಚಿಸಬಲ್ಲವು ಮಗುವಿನ ತುಟಿಗಳು
ಮಗುವಿನ ತುಟಿಗಳನ್ನು ಹಿಗ್ಗಿಸಬಲ್ಲದು ಮಗುವಿನ ನಗು!
ಮಗುವಿನ ನಗುವನ್ನು ಮೀರಿಸಿ ಬಿಟ್ಟಿದೆ ಒಂದು ತೊದಲ್ನುಡಿ!
ಪ್ರೀತಿಸುವ ಜೀವಗಳಿಗೆಲ್ಲ ಭಾವಗೀತೆ...
ಆ ಒಂದು ತೊದಲು ನುಡಿ!
ಹಳ್ಳದ ಬದುವಿನಲ್ಲೊಂದು ಘಮ ಘಮಿಸುವ ಮಲ್ಲಿಗೆ ತೋಟ
ಮಲ್ಲಿಗೆ ತೋಟದ ಬೇಲಿಯಲ್ಲೊಂದು ಹೂಬಿಟ್ಟ ಬೇವಿನಮರ
ಬೇವಿನಮರದ ಬಿಳಿಹೂವಿನ ಮೇಲೊಂದು ಕೆಂಪು ಚಿಟ್ಟೆ
ಕೆಂಪು ಚಿಟ್ಟೆಯ ಹಾದಿಯುದ್ದಕ್ಕೂ ಮಂಜಿನ ಹನಿ
ಮಂಜಿನ ಹನಿಗಳ ದಾಟಿಬಂದ ಸೂರ್ಯನಿಗೆ ಸಪ್ತವರ್ಣ!
ಸಪ್ತವರ್ಣಗಳನ್ನೂ ನಾಚಿಸಬಲ್ಲವು ಮಗುವಿನ ತುಟಿಗಳು
ಮಗುವಿನ ತುಟಿಗಳನ್ನು ಹಿಗ್ಗಿಸಬಲ್ಲದು ಮಗುವಿನ ನಗು!
ಮಗುವಿನ ನಗುವನ್ನು ಮೀರಿಸಿ ಬಿಟ್ಟಿದೆ ಒಂದು ತೊದಲ್ನುಡಿ!
ಪ್ರೀತಿಸುವ ಜೀವಗಳಿಗೆಲ್ಲ ಭಾವಗೀತೆ...
ಆ ಒಂದು ತೊದಲು ನುಡಿ!
Thursday, January 28, 2010
ಕಣ್ಣಮುಂದೆ ನೂರು ಮೈಲಿಗಳ ಕಪ್ಪು ಮೋಡ...
ಕಾಲಿನ ಕೆಳಗೆ ತಣ್ಣಗೆ ಹರಿಯುತ್ತಿದ್ದಾಳೆ ನೀಲಗಂಗೆ
ಕಣ್ಣಮುಂದೆ ನೂರು ಮೈಲಿಗಳ ಕಪ್ಪು ಮೋಡ
ಕೋರೈಸುತ್ತಿವೆ ಆಗಾಗ ಕಾಣುವ ಬೆಳ್ಳಕ್ಕಿ ಚುಕ್ಕಿ
ಕೊಳದ ಮಧ್ಯೆ ಗುಂಪಾಗಿ ಅಪ್ಪಿಕೊಂಡಿವೆ ಹಸಿರು ಕಮಲಗಳು
ಪವನನ ಸುಯ್ದಾಟ, ಹರಿದಾಟ, ತುಂಟಾಟಗಳಿಗೆ ನಾಚಿ!
ಅಲ್ಲೆಲ್ಲೋ ಭೂಮಿಯಪ್ಪಿ ತಬ್ಬಿವೆ ವರುಣನ ವರ್ಷಭಾಹು!
ಬೀಸುತ್ತಿದೆ ಸಂವತ್ಸರದ ಅತ್ಯಂತ ತಣ್ಣನೆಯ ಗಾಳಿ!
ನನ್ನ ಮನಸ್ಸೂ ತಬ್ಬಿದೆ ಬೆಚ್ಚನೆಯನೆನಪುಗಳನು
ಕಟ್ಟುತ್ತಿದೆ ಕಲ್ಪನೆಯ ಅಂಗಳದಲ್ಲೊಂದು ನಾಟ್ಯಶಾಲೆಯನ್ನು!
ಚಿತ್ರಿಸುತ್ತಿದೆ ಹೇಗೇಗೋ ಇರಬಹುದಾದ ಭವಿಷ್ಯದ ನೆನಪುಗಳನ್ನು!
ಕಣ್ಣಮುಂದೆ ನೂರು ಮೈಲಿಗಳ ಕಪ್ಪು ಮೋಡ
ಕೋರೈಸುತ್ತಿವೆ ಆಗಾಗ ಕಾಣುವ ಬೆಳ್ಳಕ್ಕಿ ಚುಕ್ಕಿ
ಕೊಳದ ಮಧ್ಯೆ ಗುಂಪಾಗಿ ಅಪ್ಪಿಕೊಂಡಿವೆ ಹಸಿರು ಕಮಲಗಳು
ಪವನನ ಸುಯ್ದಾಟ, ಹರಿದಾಟ, ತುಂಟಾಟಗಳಿಗೆ ನಾಚಿ!
ಅಲ್ಲೆಲ್ಲೋ ಭೂಮಿಯಪ್ಪಿ ತಬ್ಬಿವೆ ವರುಣನ ವರ್ಷಭಾಹು!
ಬೀಸುತ್ತಿದೆ ಸಂವತ್ಸರದ ಅತ್ಯಂತ ತಣ್ಣನೆಯ ಗಾಳಿ!
ನನ್ನ ಮನಸ್ಸೂ ತಬ್ಬಿದೆ ಬೆಚ್ಚನೆಯನೆನಪುಗಳನು
ಕಟ್ಟುತ್ತಿದೆ ಕಲ್ಪನೆಯ ಅಂಗಳದಲ್ಲೊಂದು ನಾಟ್ಯಶಾಲೆಯನ್ನು!
ಚಿತ್ರಿಸುತ್ತಿದೆ ಹೇಗೇಗೋ ಇರಬಹುದಾದ ಭವಿಷ್ಯದ ನೆನಪುಗಳನ್ನು!
Subscribe to:
Posts (Atom)