ನನ್ನ ಮನದ ಹೊಳೆ ಹರಿಯುತ್ತಿದೆ
ಸಂಜೆಯ ಗುಲಾಬಿ ಆಕಾಶದೆಡೆಗೆ
ಚೈತ್ರನ ತುಂಡು ಮೇಘಗಳೆಡೆಗೆ
ನೂರಾರು ಎಕರೆಗಳ ಹಚ್ಚ ಹಸಿರಿನಲ್ಲಿ
ಚಿಕ್ಕ ತೊರೆಯಂತೆ ಹರಿಯುತ್ತಿದೆ
ನಮ್ಮ ಮನದ ಹೊಳೆ
ಮುಂದೆಂದೋ ಹುಟ್ಟುವ ಕವಿತೆಯೊಳಗೆ
ಅಡಗಿ ಕುಳಿತಿರುವ ಹುಡುಗಿಯಡೆಗೆ!
- ಪ್ರಸನ್ನ ರೇವಣ್ಣ
Wednesday, December 13, 2006
Sunday, December 10, 2006
ನನ್ನ ಹದಿಹರೆಯುತ್ತಿರುವಾಗ...
ನನ್ನ ಹದಿಹರೆಯುತ್ತಿರುವಾಗ ನನಗಿಷ್ಟವಾಗುತ್ತಿತ್ತು
ದಟ್ಟ ಕಾಡು, ಬೆಚ್ಚಗಿನ ಹುಲ್ಲು, ಕಾದ ನೆಲ...
ಸ್ವಚ್ಚಂದ, ಸ್ವತಂತ್ರ ಭಾವ!
ಯೌವ್ವನದ ಹೊಸ್ತಿಲಲಿ ಪದವಿಯ ಮರಳು
ಸಮಾಜದ ಯಂತ್ರಕ್ಕೆ ನನ್ನ ಕೊರಳು
ಅಂದೊದು ದಿನ ಎದ್ದು ಕುಳಿತಾಗ
ಬಂದು ನಿಂತಿತ್ತು ಇಪ್ಪತ್ತೆಂಟನೆಯ ಉಗಾದಿ!
ವ್ಯವಸ್ಥೆಯನ್ನು ಕಟ್ಟುತ್ತೇವೆ ನಾವು
ನಮ್ಮ ಕಾಲಿಗೆ ನಾವೇ ಕಟ್ಟಿಕೊಳ್ಳುವ ಕುಣಿಕೆಯಂತೆ
ಕನ್ನಡಿಯ ಗಂಟನ್ನು ಕಂಡು ಮರುಗುತ್ತೇವೆ
ಎಡವುತ್ತೇವೆ ಎದೆಯ ದನಿಯ ಹೊಸ್ತಿಲನ್ನು!
ಬೇಕು ಒಪ್ಪೊತ್ತಿನ ಊಟ, ಕಣ್ಣಿಗೆ ನಿದ್ರೆ
ಮನಸ್ಸಿಗೆ ಧ್ಯಾನ! ಆಗಾಗ ಬೀಳುವ ಕನಸು!
ಬೇಕು ಬುದ್ದಿಗೆ ಸವಾಲು, ವಿದ್ಯೆಗೆ ಗುರಿ
ದುಡಿಯುವ ಕೈಗಳಿಗೆ ನಿವೃತ್ತಿಯಿಲ್ಲದ ಕೆಲಸ!
ನನ್ನ ಹಳ್ಳಿ ಚಿಕ್ಕದು, ನನ್ನ ಪ್ರಪಂಚ ದೊಡ್ಡದು
ನನ್ನ ಮನೆಗಿವೆ ಕೆಲವೇ ಕೋಣೆ
ಮನೆಯ ಸುತ್ತಲಿವೆ ನನ್ನಜ್ಜನಂತ ಮರಗಳು
ನನ್ನಜ್ಜಿಯ ಮುಸುಕಿನಂತೆ ಬಂದು ನಿಲ್ಲುತ್ತದೆ
ಮುಂಜಾವಿನ ಮಂಜು
ಸಂಪಿಗೆ ಮರದ ಹಾದು ಬಂದಿದೆ
ತಂಗಾಳಿ, ಆಗಾಗ ಸುರಿಯುತ್ತದೆ
ಕಾಡು ಮಳೆ. ಬಿರಿದು ನಿಂತ
ಕಪ್ಪು ನೆಲದೊಳಗೊಂದು
ಚಿಗುರು ಮೊಡುತ್ತದೆ!
ಇನ್ನೂ ಕಾಣುವ ದೂರ ದಿಗಂತದಲ್ಲಿ
ಸೂರ್ಯ ಹುಟ್ಟುತ್ತಾನೆ!
- ಪ್ರಸನ್ನ ರೇವಣ್ಣ
ದಟ್ಟ ಕಾಡು, ಬೆಚ್ಚಗಿನ ಹುಲ್ಲು, ಕಾದ ನೆಲ...
ಸ್ವಚ್ಚಂದ, ಸ್ವತಂತ್ರ ಭಾವ!
ಯೌವ್ವನದ ಹೊಸ್ತಿಲಲಿ ಪದವಿಯ ಮರಳು
ಸಮಾಜದ ಯಂತ್ರಕ್ಕೆ ನನ್ನ ಕೊರಳು
ಅಂದೊದು ದಿನ ಎದ್ದು ಕುಳಿತಾಗ
ಬಂದು ನಿಂತಿತ್ತು ಇಪ್ಪತ್ತೆಂಟನೆಯ ಉಗಾದಿ!
ವ್ಯವಸ್ಥೆಯನ್ನು ಕಟ್ಟುತ್ತೇವೆ ನಾವು
ನಮ್ಮ ಕಾಲಿಗೆ ನಾವೇ ಕಟ್ಟಿಕೊಳ್ಳುವ ಕುಣಿಕೆಯಂತೆ
ಕನ್ನಡಿಯ ಗಂಟನ್ನು ಕಂಡು ಮರುಗುತ್ತೇವೆ
ಎಡವುತ್ತೇವೆ ಎದೆಯ ದನಿಯ ಹೊಸ್ತಿಲನ್ನು!
ಬೇಕು ಒಪ್ಪೊತ್ತಿನ ಊಟ, ಕಣ್ಣಿಗೆ ನಿದ್ರೆ
ಮನಸ್ಸಿಗೆ ಧ್ಯಾನ! ಆಗಾಗ ಬೀಳುವ ಕನಸು!
ಬೇಕು ಬುದ್ದಿಗೆ ಸವಾಲು, ವಿದ್ಯೆಗೆ ಗುರಿ
ದುಡಿಯುವ ಕೈಗಳಿಗೆ ನಿವೃತ್ತಿಯಿಲ್ಲದ ಕೆಲಸ!
ನನ್ನ ಹಳ್ಳಿ ಚಿಕ್ಕದು, ನನ್ನ ಪ್ರಪಂಚ ದೊಡ್ಡದು
ನನ್ನ ಮನೆಗಿವೆ ಕೆಲವೇ ಕೋಣೆ
ಮನೆಯ ಸುತ್ತಲಿವೆ ನನ್ನಜ್ಜನಂತ ಮರಗಳು
ನನ್ನಜ್ಜಿಯ ಮುಸುಕಿನಂತೆ ಬಂದು ನಿಲ್ಲುತ್ತದೆ
ಮುಂಜಾವಿನ ಮಂಜು
ಸಂಪಿಗೆ ಮರದ ಹಾದು ಬಂದಿದೆ
ತಂಗಾಳಿ, ಆಗಾಗ ಸುರಿಯುತ್ತದೆ
ಕಾಡು ಮಳೆ. ಬಿರಿದು ನಿಂತ
ಕಪ್ಪು ನೆಲದೊಳಗೊಂದು
ಚಿಗುರು ಮೊಡುತ್ತದೆ!
ಇನ್ನೂ ಕಾಣುವ ದೂರ ದಿಗಂತದಲ್ಲಿ
ಸೂರ್ಯ ಹುಟ್ಟುತ್ತಾನೆ!
- ಪ್ರಸನ್ನ ರೇವಣ್ಣ
Friday, November 17, 2006
ನನ್ನ ಮುಂದೆ ದರ್ಶನಗಳಿವೆ, ಮುಖಗಳಿಲ್ಲ...
ಮನೆ ಹೊರಗೆ ಸುರಿಯುತ್ತಿದೆ ಸೋನೆ ಮಳೆ,
ಹಿತ್ತಲಿನ ಬಾಳೆಯೆಲೆಗಳ ಡಮರುನಾದ
ಸಂಜೆಗತ್ತಲಿನಲ್ಲಿ ಕುಣಿದಾಡಿದ ದೀಪ
ಬರೆದಿದೆ ಬೆಳ್ಳಿ ಗೆರೆಗಳ ಹಾಡು
ನುಗ್ಗಿದ ಗಾಳಿಯೊಂದಿಗೆ ಕತ್ತಲಿನ ಹಾಳೆಯಲ್ಲಿ.
ನನ್ನ ಮುಂದೆ ದರ್ಶನಗಳಿವೆ, ಮುಖಗಳಿಲ್ಲ
ನನ್ನ ಹಿಂದೆ ದಾರ್ಶನಿಕ ಋಷಿಗಳಿಲ್ಲ
ಅನಂತವಾಗಿದೆ ಸುತ್ತಲಿನ ಪ್ರಕೃತಿ!
ಏಕಾಂಗಿ ಹೃದಯ ಬಿಕ್ಕುತ್ತಿದೆ
ಬೀಳುತ್ತಿರುವ ಕಣ್ಣೀರುಗಳೆಲ್ಲವೂ ಅಕ್ಷರಗಳು
ಬೆಟ್ಟದ ಮೇಲೆಲ್ಲೋ ಬೆಳೆದ ಕಾಡು ಹೂಗಳು!
- ಪ್ರಸನ್ನ ರೇವಣ್ಣ
ಹಿತ್ತಲಿನ ಬಾಳೆಯೆಲೆಗಳ ಡಮರುನಾದ
ಸಂಜೆಗತ್ತಲಿನಲ್ಲಿ ಕುಣಿದಾಡಿದ ದೀಪ
ಬರೆದಿದೆ ಬೆಳ್ಳಿ ಗೆರೆಗಳ ಹಾಡು
ನುಗ್ಗಿದ ಗಾಳಿಯೊಂದಿಗೆ ಕತ್ತಲಿನ ಹಾಳೆಯಲ್ಲಿ.
ನನ್ನ ಮುಂದೆ ದರ್ಶನಗಳಿವೆ, ಮುಖಗಳಿಲ್ಲ
ನನ್ನ ಹಿಂದೆ ದಾರ್ಶನಿಕ ಋಷಿಗಳಿಲ್ಲ
ಅನಂತವಾಗಿದೆ ಸುತ್ತಲಿನ ಪ್ರಕೃತಿ!
ಏಕಾಂಗಿ ಹೃದಯ ಬಿಕ್ಕುತ್ತಿದೆ
ಬೀಳುತ್ತಿರುವ ಕಣ್ಣೀರುಗಳೆಲ್ಲವೂ ಅಕ್ಷರಗಳು
ಬೆಟ್ಟದ ಮೇಲೆಲ್ಲೋ ಬೆಳೆದ ಕಾಡು ಹೂಗಳು!
- ಪ್ರಸನ್ನ ರೇವಣ್ಣ
Tuesday, November 14, 2006
ಹನಿಮಳೆಯಲ್ಲಿ ತೊಯ್ದ ಮಾವಿನ ಚಿಗುರು...
ಹನಿಮಳೆಯಲ್ಲಿ ತೊಯ್ದ ಮಾವಿನ ಚಿಗುರು
ಹೊಚ್ಚ ಹೊಸ ಟಾರು ರಸ್ತೆಯ ವೈಯ್ಯಾರ
ಕಡು ಬಿಸಿಲಿನಲಿ ಸಿಕ್ಕ ಬಣ್ಣದ ಬೀಸಣಿಕೆ
ಮೊದಲಬಾರಿ ಸೀರೆಯುಟ್ಟು ನಿಂತ ಚಿಕ್ಕ ತಂಗಿ
ಗಾಳಿಯಲ್ಲಿ ತೇಲಿ ಭುಜದ ಮೇಲೆ ಬಿದ್ದ ಹಣ್ಣೆಲೆ
ಅಂದೆಂದೋ ನಸುನಗೆ ಬೀರಿದ ಯಾರದೋ ಮಗು
ಸಂಜೆ ಐದಕ್ಕೆ ನುಸುಳುವ ಸ್ವರ್ಣ ರಶ್ಮಿ
ಚುಮುಚುಮೆನ್ನುವ ಬೆಳಗಿನ ನೀಲಿ ಬಣ್ಣ
ಮನಸ್ಸಿನೊಳಗೆ ಮೇಘ ಮಂದಾರವನ್ನೆಬ್ಬಿಸುತ್ತವೆ
ಮುದುಡಿದ ಕನಸುಗಳಿಗೆ ಇಂಧನವಾಗಿ
ಚೈತನ್ಯವನ್ನು ಬಡಿದೆಬ್ಬಿಸುತ್ತವೆ,
ಸರಳತೆಯೇ ಜೀವನವೆನ್ನಿಸುತ್ತವೆ!
- ಪ್ರಸನ್ನ ರೇವಣ್ಣ
ಹೊಚ್ಚ ಹೊಸ ಟಾರು ರಸ್ತೆಯ ವೈಯ್ಯಾರ
ಕಡು ಬಿಸಿಲಿನಲಿ ಸಿಕ್ಕ ಬಣ್ಣದ ಬೀಸಣಿಕೆ
ಮೊದಲಬಾರಿ ಸೀರೆಯುಟ್ಟು ನಿಂತ ಚಿಕ್ಕ ತಂಗಿ
ಗಾಳಿಯಲ್ಲಿ ತೇಲಿ ಭುಜದ ಮೇಲೆ ಬಿದ್ದ ಹಣ್ಣೆಲೆ
ಅಂದೆಂದೋ ನಸುನಗೆ ಬೀರಿದ ಯಾರದೋ ಮಗು
ಸಂಜೆ ಐದಕ್ಕೆ ನುಸುಳುವ ಸ್ವರ್ಣ ರಶ್ಮಿ
ಚುಮುಚುಮೆನ್ನುವ ಬೆಳಗಿನ ನೀಲಿ ಬಣ್ಣ
ಮನಸ್ಸಿನೊಳಗೆ ಮೇಘ ಮಂದಾರವನ್ನೆಬ್ಬಿಸುತ್ತವೆ
ಮುದುಡಿದ ಕನಸುಗಳಿಗೆ ಇಂಧನವಾಗಿ
ಚೈತನ್ಯವನ್ನು ಬಡಿದೆಬ್ಬಿಸುತ್ತವೆ,
ಸರಳತೆಯೇ ಜೀವನವೆನ್ನಿಸುತ್ತವೆ!
- ಪ್ರಸನ್ನ ರೇವಣ್ಣ
Thursday, October 26, 2006
ನನಗಿಷ್ಟ ಬೇಸಗೆಯ ನಿರುಮ್ಮಳ ರಾತ್ರಿಗಳು,
ನನಗಿಷ್ಟ ಬೇಸಗೆಯ ನಿರುಮ್ಮಳ ರಾತ್ರಿಗಳು,
ಮೌನದಲ್ಲಿ ತೋಯಿಸಿದ ಜಡಿಮಳೆ,
ಅಪರಿಚಿತ ಊರಿನಲ್ಲೊಂದು ನಡುರಾತ್ರಿ,
ಚಿಕ್ಕಂದಿನಲ್ಲಿ ಬಿಟ್ಟುಬಂದ ಊರಿನ ಮನೆಯಲ್ಲೊಂದು ವಾಸ,
ಕಡು ಹಸಿವೆಯಲ್ಲಿ ತಿಂದ ರೊಟ್ಟಿ, ಕುಡಿದ ನೀರು,
ನನ್ನ ನೀಲಿ ಕೋಟು ಅದರೊಳಗೊಮ್ಮೆ
ಅಡಗಿದ್ದ ಅವಳ ನರುಗಂಪು,
ನನಗಿಷ್ಟ ಮೌನದ ದೂರ ನಡಿಗೆ,
ನನ್ನ ಹಳೆಯ ಅಂಗಿ,
ಕಾಲಿಗೆ ಮುತ್ತಿಕ್ಕುವ ಮೀನುಗಳು,
ಕೆರೆಯ ಮೇಲೆ ಬೀಸುವ ಗಾಳಿ,
ತೇಲಾಡುವ ಮುಂಗುರುಳು,
ಮುಂಜಾವಿನವರೆ ಕೊಚ್ಚಿದ ಹರಟೆ, ಮತ್ತು
ನನಗಿಷ್ಟ ಆಗಾಗ ಕಾಡುವ ನೆನಪುಗಳು,
- ಪ್ರಸನ್ನ ರೇವಣ್ಣ
ಮೌನದಲ್ಲಿ ತೋಯಿಸಿದ ಜಡಿಮಳೆ,
ಅಪರಿಚಿತ ಊರಿನಲ್ಲೊಂದು ನಡುರಾತ್ರಿ,
ಚಿಕ್ಕಂದಿನಲ್ಲಿ ಬಿಟ್ಟುಬಂದ ಊರಿನ ಮನೆಯಲ್ಲೊಂದು ವಾಸ,
ಕಡು ಹಸಿವೆಯಲ್ಲಿ ತಿಂದ ರೊಟ್ಟಿ, ಕುಡಿದ ನೀರು,
ನನ್ನ ನೀಲಿ ಕೋಟು ಅದರೊಳಗೊಮ್ಮೆ
ಅಡಗಿದ್ದ ಅವಳ ನರುಗಂಪು,
ನನಗಿಷ್ಟ ಮೌನದ ದೂರ ನಡಿಗೆ,
ನನ್ನ ಹಳೆಯ ಅಂಗಿ,
ಕಾಲಿಗೆ ಮುತ್ತಿಕ್ಕುವ ಮೀನುಗಳು,
ಕೆರೆಯ ಮೇಲೆ ಬೀಸುವ ಗಾಳಿ,
ತೇಲಾಡುವ ಮುಂಗುರುಳು,
ಮುಂಜಾವಿನವರೆ ಕೊಚ್ಚಿದ ಹರಟೆ, ಮತ್ತು
ನನಗಿಷ್ಟ ಆಗಾಗ ಕಾಡುವ ನೆನಪುಗಳು,
- ಪ್ರಸನ್ನ ರೇವಣ್ಣ
Thursday, October 12, 2006
ಕರಿಮೋಡ ಚುಮುಕಿಸಿದ ತಣ್ಣನೆ ಹನಿಗಳಿಂದ
ಕರಿಮೋಡ ಚುಮುಕಿಸಿದ ತಣ್ಣನೆ ಹನಿಗಳಿಂದ
ತೊಯ್ದು ತೊಪ್ಪೆಯಾಗಿದೆ ಚೋರೆ ಹಕ್ಕಿಯ ಪುಕ್ಕ
ಕೊರೆಯುವ ರಾತ್ರಿ, ತಂಗಾಳಿಯ ಇರಿತ
ಆಗಾಗ ಬಂದು ಮರೆಯಾಗುವ ಚಂದ್ರನ ಸಂಗ
ಪಕ್ಕದ ಮಾವಿನ ಮರ ಚೆಲ್ಲುತ್ತಿದೆ ಹೂವು
ದೂರದಲ್ಲೆಲ್ಲೋ ಹರಿಯುವ ನೀರಿನ ಸದ್ದು
ಹಾರಾಡುವ ಕಪ್ಪಟೆ ಹಕ್ಕಿಗಳ ನೆರಳು
ಬಳ್ಳಿ ತಬ್ಬಿದ ಒಂಟಿ ಮರದ ಮೇಲೆ ಹಾಡಿದೆ
ನಮ್ಮ ಚೋರೆಹಕ್ಕಿ, ಮೌನಗಾನವದು
ಹೃದಯಕ್ಕೆ ಮಾತ್ರ ಕೇಳಿಸುವುದು!
- ಪ್ರಸನ್ನ ರೇವಣ್ಣ
ತೊಯ್ದು ತೊಪ್ಪೆಯಾಗಿದೆ ಚೋರೆ ಹಕ್ಕಿಯ ಪುಕ್ಕ
ಕೊರೆಯುವ ರಾತ್ರಿ, ತಂಗಾಳಿಯ ಇರಿತ
ಆಗಾಗ ಬಂದು ಮರೆಯಾಗುವ ಚಂದ್ರನ ಸಂಗ
ಪಕ್ಕದ ಮಾವಿನ ಮರ ಚೆಲ್ಲುತ್ತಿದೆ ಹೂವು
ದೂರದಲ್ಲೆಲ್ಲೋ ಹರಿಯುವ ನೀರಿನ ಸದ್ದು
ಹಾರಾಡುವ ಕಪ್ಪಟೆ ಹಕ್ಕಿಗಳ ನೆರಳು
ಬಳ್ಳಿ ತಬ್ಬಿದ ಒಂಟಿ ಮರದ ಮೇಲೆ ಹಾಡಿದೆ
ನಮ್ಮ ಚೋರೆಹಕ್ಕಿ, ಮೌನಗಾನವದು
ಹೃದಯಕ್ಕೆ ಮಾತ್ರ ಕೇಳಿಸುವುದು!
- ಪ್ರಸನ್ನ ರೇವಣ್ಣ
Tuesday, September 26, 2006
ಕಗ್ಗಪ್ಪು ಹೆದ್ದಾರಿಯ ಬಯಲು ತಂಗಾಳಿಗೆ
ಕಗ್ಗಪ್ಪು ಹೆದ್ದಾರಿಯ ಬಯಲು ತಂಗಾಳಿಗೆ
ಕುಣಿದಾಡಿವೆ ನಿನ್ನ ಮುಂಗುರುಳು
ಭತ್ತದ ಗದ್ದೆಗಳ ಬೆಚ್ಚನೆಯ ಕಂಪು
ದೂರದಲ್ಲೆಲ್ಲೋ ವಾಹನಗಳ ಮಿಣುಕು
ಜಾರುತ್ತಿದೆ ಭೂಮಿಗೆ ಇರುಳು
ಕಿಡಿಕೆಂಡದಂತೆ ಕಾಣುವ ಸೂರ್ಯ
ಬೈಗಿನ ಮಂದ ಬೆಳಕಿನಲ್ಲಿ ತಣ್ಣಗೆ ನಿಂತ ಬೈಕು
ಆಗಸದಲ್ಲಿ ಅಂಡಲೆಯುವ ಮೋಡದ ಸಾಲು
ದಿಗಂತದಲ್ಲೆಲ್ಲೊ ಮತ್ತೆ ಹುಟ್ಟಲಣಿಯಾಗುವ ದಿನಕರ
ಸ್ವರ್ಗವೋ ಭೂಮಿಯೋ ಮನಸ್ಸಿನ ತುಂಬ ಹಾಯಿಕು!
ಮಣ್ಣಿನ ವಾಸನೆಯನ್ನು ಹಿಡಿಯಲಂಜುವ
ಪ್ಲಾಸ್ಟಿಕ್ ಮನಸ್ಸುಗಳನ್ನು ದೂರತಳ್ಳಿ ಬಂದಿದ್ದೇನೆ
ನನ್ನ ಹೃದಯದೋರಿದ ದಾರಿಗೆ
ಅಪ್ಪುತ್ತದೆ ದೇಹ ಹಸಿರು ನೆಲವನ್ನು!
ಅಪ್ಪುತ್ತದೆ ಮನಸ್ಸು ಭಾಷೆಯನು ಮೀರಿದ ಭಾವನೆಗಳನ್ನು,
ಮನಸ್ಸಿನ ಕಾಲದ ಮೂಲೆಯಲ್ಲಿರುವ ನಿನ್ನ ನೆನಪುಗಳನನ್ನು!
ಏಕಾಂತದ ಅಚ್ಚರಿಯನ್ನು!
ಪ್ರಸನ್ನ ಕುಮಾರ ರೇ
ಕುಣಿದಾಡಿವೆ ನಿನ್ನ ಮುಂಗುರುಳು
ಭತ್ತದ ಗದ್ದೆಗಳ ಬೆಚ್ಚನೆಯ ಕಂಪು
ದೂರದಲ್ಲೆಲ್ಲೋ ವಾಹನಗಳ ಮಿಣುಕು
ಜಾರುತ್ತಿದೆ ಭೂಮಿಗೆ ಇರುಳು
ಕಿಡಿಕೆಂಡದಂತೆ ಕಾಣುವ ಸೂರ್ಯ
ಬೈಗಿನ ಮಂದ ಬೆಳಕಿನಲ್ಲಿ ತಣ್ಣಗೆ ನಿಂತ ಬೈಕು
ಆಗಸದಲ್ಲಿ ಅಂಡಲೆಯುವ ಮೋಡದ ಸಾಲು
ದಿಗಂತದಲ್ಲೆಲ್ಲೊ ಮತ್ತೆ ಹುಟ್ಟಲಣಿಯಾಗುವ ದಿನಕರ
ಸ್ವರ್ಗವೋ ಭೂಮಿಯೋ ಮನಸ್ಸಿನ ತುಂಬ ಹಾಯಿಕು!
ಮಣ್ಣಿನ ವಾಸನೆಯನ್ನು ಹಿಡಿಯಲಂಜುವ
ಪ್ಲಾಸ್ಟಿಕ್ ಮನಸ್ಸುಗಳನ್ನು ದೂರತಳ್ಳಿ ಬಂದಿದ್ದೇನೆ
ನನ್ನ ಹೃದಯದೋರಿದ ದಾರಿಗೆ
ಅಪ್ಪುತ್ತದೆ ದೇಹ ಹಸಿರು ನೆಲವನ್ನು!
ಅಪ್ಪುತ್ತದೆ ಮನಸ್ಸು ಭಾಷೆಯನು ಮೀರಿದ ಭಾವನೆಗಳನ್ನು,
ಮನಸ್ಸಿನ ಕಾಲದ ಮೂಲೆಯಲ್ಲಿರುವ ನಿನ್ನ ನೆನಪುಗಳನನ್ನು!
ಏಕಾಂತದ ಅಚ್ಚರಿಯನ್ನು!
ಪ್ರಸನ್ನ ಕುಮಾರ ರೇ
Tuesday, August 22, 2006
ಆರೈಕೆಗಳಿಲ್ಲದಿದ್ದರೂ...
ಆರೈಕೆಗಳಿಲ್ಲದಿದ್ದರೂ ತುಳಿಸಿಕೊಂಡೂ
ಬಿರಬಿರನೆ ಬೆಳೆದು ನಿಂತು, ಕಂಪ ಸೂಸಿ
ಬೇಸಗೆಗೆ ಬಾಡಿ, ಮಳೆಗಾಲದಲ್ಲಿ ಬೊಮಿಯಪ್ಪಿ,
ಶತಮಾನಗಳಿಂದಲೂ ಮಹಾತ್ಮ, ಮೊರ್ಖರೆನ್ನದೆ
ಎಲ್ಲರ ಹಾದಿಗಳನ್ನಲಂಕರಿಸಿ, ಜಗವಾಳಿದ ಧಣಿಗಳ
ಕೋಟೆ ಕೊತ್ತಲಗಳನೇರಿ ಬೆಳೆದು, ತನ್ನ ಪಚ್ಚೆ
ಜೀವವನ್ನು ಸದ್ದಿಲ್ಲದೆ ಎಲ್ಲೆಡೆಗೆ ಹರಡಿ,
ಕೈಲಾಸದ ಶಿವನಿಂದ ಕೊಟ್ಟಿಗೆಯ ದನದವರೆಗೆ
ಎಲ್ಲರಿಗೂ ಆಪ್ಯಾಯಮಾನವಾದರೂ
ತಿರಸ್ಕೃತವಾದರೂ ತಾನು ತಾನಾಗಿಯೇ ನಿಂತ
ಪರಮ ಯೋಗಿಯೇ ಹುಲ್ಲು ಗರಿಕೆ!
- ಪ್ರಸನ್ನ ರೇವಣ್ಣ
ಬಿರಬಿರನೆ ಬೆಳೆದು ನಿಂತು, ಕಂಪ ಸೂಸಿ
ಬೇಸಗೆಗೆ ಬಾಡಿ, ಮಳೆಗಾಲದಲ್ಲಿ ಬೊಮಿಯಪ್ಪಿ,
ಶತಮಾನಗಳಿಂದಲೂ ಮಹಾತ್ಮ, ಮೊರ್ಖರೆನ್ನದೆ
ಎಲ್ಲರ ಹಾದಿಗಳನ್ನಲಂಕರಿಸಿ, ಜಗವಾಳಿದ ಧಣಿಗಳ
ಕೋಟೆ ಕೊತ್ತಲಗಳನೇರಿ ಬೆಳೆದು, ತನ್ನ ಪಚ್ಚೆ
ಜೀವವನ್ನು ಸದ್ದಿಲ್ಲದೆ ಎಲ್ಲೆಡೆಗೆ ಹರಡಿ,
ಕೈಲಾಸದ ಶಿವನಿಂದ ಕೊಟ್ಟಿಗೆಯ ದನದವರೆಗೆ
ಎಲ್ಲರಿಗೂ ಆಪ್ಯಾಯಮಾನವಾದರೂ
ತಿರಸ್ಕೃತವಾದರೂ ತಾನು ತಾನಾಗಿಯೇ ನಿಂತ
ಪರಮ ಯೋಗಿಯೇ ಹುಲ್ಲು ಗರಿಕೆ!
- ಪ್ರಸನ್ನ ರೇವಣ್ಣ
Friday, August 18, 2006
ಹೆಮ್ಮರದ ಬಿರುಕುಗಳ ನಡುವೆ...
ಹೆಮ್ಮರದ ಬಿರುಕುಗಳ ನಡುವೆ ನುಸುಳುವ
ಇಬ್ಬನಿಯ ಹನಿಗಳು ಅಲ್ಲಿ ಜೀವ ಹುಟ್ಟಿಸುತ್ತವೆ,
ಆದರೂ ಚಿಗುರೆಲೆಗಳಿಂದ ನುಸುಳಿಬರುವ ಗಾಳಿ
ತಂದಿದೆ ಹೆಮ್ಮರಗಳನ್ನೂ ನಡುಗಿಸುವ ಛಳಿ!
ಪಚ್ಚೆ ಹತ್ತಿದ ಬಂಡೆಗಳ ನಡುವೆ ಸುತ್ತುವ
ಪವನನ ಎಕಾಂತ ನಾದ ನೃತ್ಯ! ಆ ಬಂಡೆಗಳನ್ನಪ್ಪಳಿಸುವ
ಸಮುದ್ರದಲೆಗಳ ಭಾವೋದ್ವೇಗ! ಸಂಜೆ ಸೂರ್ಯನ
ಕೆಂಪನ್ನು ಅಡಗಿಸಲು ಕರಿಮೋಡಗಳು ನುಗ್ಗಿದಂತೆ!
ಹಸುರು ಗದ್ದೆಗಳ ನಡುವೆ ಒಂಟಿಬಂಡಿ
ದೂರದಲ್ಲೊಂದು ಮರಕುಟಿಗನ ಸದ್ದು,
ಜಗತ್ತಿನ ವ್ಯಾಪಾರಗಳ ವ್ಯಾಪಕತ್ವದ ಮದ್ಯೆ,
ನನ್ನ ಎದೆ ತುಂಬ ಮನೆಯ ನೆನಪು!
- ಪ್ರಸನ್ನ ರೇವಣ್ಣ
ಇಬ್ಬನಿಯ ಹನಿಗಳು ಅಲ್ಲಿ ಜೀವ ಹುಟ್ಟಿಸುತ್ತವೆ,
ಆದರೂ ಚಿಗುರೆಲೆಗಳಿಂದ ನುಸುಳಿಬರುವ ಗಾಳಿ
ತಂದಿದೆ ಹೆಮ್ಮರಗಳನ್ನೂ ನಡುಗಿಸುವ ಛಳಿ!
ಪಚ್ಚೆ ಹತ್ತಿದ ಬಂಡೆಗಳ ನಡುವೆ ಸುತ್ತುವ
ಪವನನ ಎಕಾಂತ ನಾದ ನೃತ್ಯ! ಆ ಬಂಡೆಗಳನ್ನಪ್ಪಳಿಸುವ
ಸಮುದ್ರದಲೆಗಳ ಭಾವೋದ್ವೇಗ! ಸಂಜೆ ಸೂರ್ಯನ
ಕೆಂಪನ್ನು ಅಡಗಿಸಲು ಕರಿಮೋಡಗಳು ನುಗ್ಗಿದಂತೆ!
ಹಸುರು ಗದ್ದೆಗಳ ನಡುವೆ ಒಂಟಿಬಂಡಿ
ದೂರದಲ್ಲೊಂದು ಮರಕುಟಿಗನ ಸದ್ದು,
ಜಗತ್ತಿನ ವ್ಯಾಪಾರಗಳ ವ್ಯಾಪಕತ್ವದ ಮದ್ಯೆ,
ನನ್ನ ಎದೆ ತುಂಬ ಮನೆಯ ನೆನಪು!
- ಪ್ರಸನ್ನ ರೇವಣ್ಣ
Thursday, August 17, 2006
ತಿಳಿಯಾದ ಮುಗಿಲುಗನ್ನಡಿಯೊಂದು...
ತಿಳಿಯಾದ ಮುಗಿಲುಗನ್ನಡಿಯೊಂದು
ಮಲಗಿದೆ ನನ್ನೆದುರಿಗೆ!
ಪೂರ್ವದಲ್ಲಿನ ಪ್ರೇಮಿ, ಎದುರಿನ
ಚಂದ್ರಕಾಂತೆಯನ್ನು ನೋಡಲು ಹೊರಟಾಗ
ಮಧ್ಯೆ ಇಣುಕುತ್ತಾನೆ!
ನೋಡುವವರಿಗೆ ಬೇಕಾದದ್ದು ಕಾಣಿಸಬಹುದು
ಕಾಣಿಸುತ್ತದೆ, ನೋಡುವ ಮಿಂಚುಳ್ಳಿಗಳಿಗೆ
ಹೊಳೆಯುವ ಮೀನುಗಳ ರಾಶಿ!
ಆಗಾಗ ಕನ್ನಡಿಯನ್ನು ಚುಂಬಿಸುವ ಮೇಘಗಳಿಗೆ
ಕಾಣಿಸಬಹುದು ಎದೆಯೊಳಗಿನ ಮಿಂಚು!
ಮುಗಿಲುಗನ್ನಡಿಯೊಳಗಿನ ಕವಿತೆಯೆಂಬಂತೆ
ಕಮಲಗಳು ಅರಳುತ್ತವೆ ಅಲ್ಲಲ್ಲಿ, ಹದಿಹರೆಯಕೆ
ಬರುವ ಗುಲಾಬಿ ಮೊಡವೆಗಳಂತೆ
ದೂರದ ರವಿಯ ಸೆಳೆತಕ್ಕೆ ನಾಚಿ!
ದೂರವಿರುವ ಭರವಸೆಗಳು ನಿನ್ನನ್ನೂ
ಪುಳಕಿಸಲಿ! ಹೋಗಿ ನೋಡು ನಿನ್ನ
ಹತ್ತಿರದ ಮುಗಿಲುಗನ್ನಡಿಯಲ್ಲಿ
ಒಮ್ಮೆ ನಿನ್ನನ್ನು!!
- ಪ್ರಸನ್ನ ರೇವಣ್ಣ
ಮಲಗಿದೆ ನನ್ನೆದುರಿಗೆ!
ಪೂರ್ವದಲ್ಲಿನ ಪ್ರೇಮಿ, ಎದುರಿನ
ಚಂದ್ರಕಾಂತೆಯನ್ನು ನೋಡಲು ಹೊರಟಾಗ
ಮಧ್ಯೆ ಇಣುಕುತ್ತಾನೆ!
ನೋಡುವವರಿಗೆ ಬೇಕಾದದ್ದು ಕಾಣಿಸಬಹುದು
ಕಾಣಿಸುತ್ತದೆ, ನೋಡುವ ಮಿಂಚುಳ್ಳಿಗಳಿಗೆ
ಹೊಳೆಯುವ ಮೀನುಗಳ ರಾಶಿ!
ಆಗಾಗ ಕನ್ನಡಿಯನ್ನು ಚುಂಬಿಸುವ ಮೇಘಗಳಿಗೆ
ಕಾಣಿಸಬಹುದು ಎದೆಯೊಳಗಿನ ಮಿಂಚು!
ಮುಗಿಲುಗನ್ನಡಿಯೊಳಗಿನ ಕವಿತೆಯೆಂಬಂತೆ
ಕಮಲಗಳು ಅರಳುತ್ತವೆ ಅಲ್ಲಲ್ಲಿ, ಹದಿಹರೆಯಕೆ
ಬರುವ ಗುಲಾಬಿ ಮೊಡವೆಗಳಂತೆ
ದೂರದ ರವಿಯ ಸೆಳೆತಕ್ಕೆ ನಾಚಿ!
ದೂರವಿರುವ ಭರವಸೆಗಳು ನಿನ್ನನ್ನೂ
ಪುಳಕಿಸಲಿ! ಹೋಗಿ ನೋಡು ನಿನ್ನ
ಹತ್ತಿರದ ಮುಗಿಲುಗನ್ನಡಿಯಲ್ಲಿ
ಒಮ್ಮೆ ನಿನ್ನನ್ನು!!
- ಪ್ರಸನ್ನ ರೇವಣ್ಣ
Monday, July 31, 2006
ಹಂಪಿಯ ಮತಂಗವನ್ನೇರಿ ನಿಂತಾಗ...
ಹಂಪಿಯ ಮತಂಗವನ್ನೇರಿ ನಿಂತಾಗ
ಸ್ವರ್ಗ, ಭೂಮಿಗಳಂತರದ ವೈಶಾಲ್ಯದಾಘಾತ!
ಕಗ್ಗಲ್ಲುಗಳ ತಂಪು ಮೈಯ್ಯನೆ ತಿದ್ದಿ ಬಂದ ತಂಗಾಳಿ
ಪೂರ್ವದಿಗಂತಕ್ಕೆ ನುಗ್ಗಿದೆ ಪಂಪೆಯ ನೀರು!
ಸಾವಿರಾರು ಜೀವಗಳ ಕ್ಷುದ್ರ ಬದುಕ ನೋಡಬಹುದು
ಮತಂಗನ ಮಸ್ತಿಷ್ಕದ ಮೇಲಿನಿಂದ
ಸ್ವರ್ಣ ಸೂರ್ಯನಿಗೆ ಸಮಾನಾಂತರವಾಗಿ!
ಅನಂತಾನಂತ ಮೇಘಗಳ ಮುಗಿಲಿನಳೆಯುತ
ಗರುಡನ, ಭಾರದ್ವಾಜನ, ಗೀಜಗನ ಗೂಡುಗಳನ್ನು
ಇಣುಕುತ, ನಿನ್ನನ್ನೇ ನೀನು ನೋಡ ಬಹುದು
ಮತಂಗನ ಮಸ್ತಿಷ್ಕದಿಂದ!
- ಪ್ರಸನ್ನ ರೇವನ್
ಸ್ವರ್ಗ, ಭೂಮಿಗಳಂತರದ ವೈಶಾಲ್ಯದಾಘಾತ!
ಕಗ್ಗಲ್ಲುಗಳ ತಂಪು ಮೈಯ್ಯನೆ ತಿದ್ದಿ ಬಂದ ತಂಗಾಳಿ
ಪೂರ್ವದಿಗಂತಕ್ಕೆ ನುಗ್ಗಿದೆ ಪಂಪೆಯ ನೀರು!
ಸಾವಿರಾರು ಜೀವಗಳ ಕ್ಷುದ್ರ ಬದುಕ ನೋಡಬಹುದು
ಮತಂಗನ ಮಸ್ತಿಷ್ಕದ ಮೇಲಿನಿಂದ
ಸ್ವರ್ಣ ಸೂರ್ಯನಿಗೆ ಸಮಾನಾಂತರವಾಗಿ!
ಅನಂತಾನಂತ ಮೇಘಗಳ ಮುಗಿಲಿನಳೆಯುತ
ಗರುಡನ, ಭಾರದ್ವಾಜನ, ಗೀಜಗನ ಗೂಡುಗಳನ್ನು
ಇಣುಕುತ, ನಿನ್ನನ್ನೇ ನೀನು ನೋಡ ಬಹುದು
ಮತಂಗನ ಮಸ್ತಿಷ್ಕದಿಂದ!
- ಪ್ರಸನ್ನ ರೇವನ್
ಉದುರುತ್ತಿರುವ ಎಲೆಗಳು...
ಉದುರುತ್ತಿರುವ ಎಲೆಗಳು ನಿನ್ನ
ಸೀರೆಯ ನೆರಿಗೆಗಳನ್ನೆಲ್ಲ ಮುಚ್ಚಿಬಿಟ್ಟಿವೆ!
ನಿನ್ನ ನೋಟದಲಿ ಬಂದಿಯಾದ
ಕಣ್ಣುಗಳಿಗೆ ಸೂರ್ಯಾಸ್ತ ಮರೆಯಾಗಿದೆ!
ಪ್ರೇಮ ಮತ್ತನಾಗಿ ಆ ಹೊಳೆಯಲ್ಲಿ ಕಂಡ
ಚಂದ್ರನತ್ತ ನೆಡೆದರೆ, ಹಕ್ಕಿಗಳ ಚಿಲಿಪಿಲಿ
ಮುಗಿಯತ್ತಲಿದೆ, ಬಿಸಿಲ ಕಂಡ ಚಿಟ್ಟೆಗಳಂತೆ
ಜನವಿಹೀನ ಏಕಾಂತ ನುಸುಳಿದೆ!
- ಪ್ರಸನ್ನ ರೇವನ್
ಸೀರೆಯ ನೆರಿಗೆಗಳನ್ನೆಲ್ಲ ಮುಚ್ಚಿಬಿಟ್ಟಿವೆ!
ನಿನ್ನ ನೋಟದಲಿ ಬಂದಿಯಾದ
ಕಣ್ಣುಗಳಿಗೆ ಸೂರ್ಯಾಸ್ತ ಮರೆಯಾಗಿದೆ!
ಪ್ರೇಮ ಮತ್ತನಾಗಿ ಆ ಹೊಳೆಯಲ್ಲಿ ಕಂಡ
ಚಂದ್ರನತ್ತ ನೆಡೆದರೆ, ಹಕ್ಕಿಗಳ ಚಿಲಿಪಿಲಿ
ಮುಗಿಯತ್ತಲಿದೆ, ಬಿಸಿಲ ಕಂಡ ಚಿಟ್ಟೆಗಳಂತೆ
ಜನವಿಹೀನ ಏಕಾಂತ ನುಸುಳಿದೆ!
- ಪ್ರಸನ್ನ ರೇವನ್
ಕೆನ್ನೆ ಮೇಲೊಂದು ಮಳೆಹನಿ ಬಿದ್ದಾಗ
ಕೆನ್ನೆ ಮೇಲೊಂದು ಮಳೆಹನಿ ಬಿದ್ದಾಗ..
ಹೃದಯದ ಅಂಚಿನಲ್ಲಿ ನೀನು ನಕ್ಕಂತೆ
ಮಾಗಿಯ ಛಳಿಗಾಳಿಯೊಂದು ಸುಯ್ದಾಗ...
ರೋಮ ರೋಮಕ್ಕೆಲ್ಲಾ ನಿನ್ನ ನೆನಪು
ಬಿರು ಬೇಸಗೆಯಲ್ಲಿ ತಣ್ಣೀರು ಕಂಡಾಗ....
ನಿನ್ನ ಪ್ರೀತಿಯ ಸುವಾಸನೆ ಆವಾಹಿಸಿದಂತೆ
ಜನರಿಲ್ಲದ ದಾರಿಯಲ್ಲಿ ಪ್ರೇಮಿಗಳ ಕಂಡಾಗ
ನಮ್ಮ ಅನಂತ ಅಗಲಿಕೆಯ ನೆನದು
ಬದುಕೇ ಅರ್ಥ ಹೀನವಾದಂತೆ!
- ಪ್ರಸನ್ನ ರೇವನ್
ಹೃದಯದ ಅಂಚಿನಲ್ಲಿ ನೀನು ನಕ್ಕಂತೆ
ಮಾಗಿಯ ಛಳಿಗಾಳಿಯೊಂದು ಸುಯ್ದಾಗ...
ರೋಮ ರೋಮಕ್ಕೆಲ್ಲಾ ನಿನ್ನ ನೆನಪು
ಬಿರು ಬೇಸಗೆಯಲ್ಲಿ ತಣ್ಣೀರು ಕಂಡಾಗ....
ನಿನ್ನ ಪ್ರೀತಿಯ ಸುವಾಸನೆ ಆವಾಹಿಸಿದಂತೆ
ಜನರಿಲ್ಲದ ದಾರಿಯಲ್ಲಿ ಪ್ರೇಮಿಗಳ ಕಂಡಾಗ
ನಮ್ಮ ಅನಂತ ಅಗಲಿಕೆಯ ನೆನದು
ಬದುಕೇ ಅರ್ಥ ಹೀನವಾದಂತೆ!
- ಪ್ರಸನ್ನ ರೇವನ್
Wednesday, July 26, 2006
ಅವಳ ಭರವಸೆಯ ಭಾಷೆಗೆ...
ಅವಳ ಭರವಸೆಯ ಭಾಷೆಗೆ
ಅರ್ಥವಿಲ್ಲದಂತೆ ಮರೆಯಾದಳು
ಹಗಲೇ ಅರ್ಧ ಜಾರಿದ ಚಂದ್ರನಂತೆ
ವಿರಹದ ಹಾಳೆಯ ಮೇಲೆ ತಡಬಡಿಸಿ
ನೋವಿನ ಕವಿತೆಗಳ ಮೊಡಿಸಲು ಹೊರಟಾಗ
ರಾತ್ರಿ ಪಾಳಿಯ ಕಾವಲುಗಾರನೆಂದ 'ಎಚ್ಚರ'
ಕಿಟಕಿಯಿಂದ ನೋಡಿದರೆ ಕಪ್ಪು
ಸರೋವರದ ಸುತ್ತ ದೀಪದ ಸಾಲು
ಸಂಪಿಗೆಯ ಮರದ ಸವಿಗಾಳಿ ತಂದಿದೆ
ಹುಡುಕಿದರೂ ಸಿಗದ ಕವಿತೆಗಳ ನೆರಳು
ಬರೆಯಲಾಗದೆ ಕುಳಿತ ಕವಿಗೊಂದು
ನಿಮ್ನ ನೆರಳು, ನೆನಪಿನಲ್ಲಿ ಸುಳಿದಾಡುವ ಹೆರಳು!
- ಪ್ರಸನ್ನ ರೇವಣ್ಣ
ಅರ್ಥವಿಲ್ಲದಂತೆ ಮರೆಯಾದಳು
ಹಗಲೇ ಅರ್ಧ ಜಾರಿದ ಚಂದ್ರನಂತೆ
ವಿರಹದ ಹಾಳೆಯ ಮೇಲೆ ತಡಬಡಿಸಿ
ನೋವಿನ ಕವಿತೆಗಳ ಮೊಡಿಸಲು ಹೊರಟಾಗ
ರಾತ್ರಿ ಪಾಳಿಯ ಕಾವಲುಗಾರನೆಂದ 'ಎಚ್ಚರ'
ಕಿಟಕಿಯಿಂದ ನೋಡಿದರೆ ಕಪ್ಪು
ಸರೋವರದ ಸುತ್ತ ದೀಪದ ಸಾಲು
ಸಂಪಿಗೆಯ ಮರದ ಸವಿಗಾಳಿ ತಂದಿದೆ
ಹುಡುಕಿದರೂ ಸಿಗದ ಕವಿತೆಗಳ ನೆರಳು
ಬರೆಯಲಾಗದೆ ಕುಳಿತ ಕವಿಗೊಂದು
ನಿಮ್ನ ನೆರಳು, ನೆನಪಿನಲ್ಲಿ ಸುಳಿದಾಡುವ ಹೆರಳು!
- ಪ್ರಸನ್ನ ರೇವಣ್ಣ
ಮರಳಿ ಬರುವೆ ಮತ್ತೆ, ಹೇಳಲಾಗದು ಸಮಯ...
ಮರಳಿ ಬರುವೆ ಮತ್ತೆ, ಹೇಳಲಾಗದು ಸಮಯ
ದಟ್ಟಕಾಡುಗಳ ಜಡಿಮಳೆಯನು ಹಾದು
ಬಯಲು ಸೀಮೆಗಳ ಗುಡುಗು ಮಿಂಚನುದಾಟಿ
ಸಮುದ್ರಗಳ ಭೋರ್ಗರೆತವನು ಮೀರಿ
ಪಚ್ಚೆ ಪರ್ವತಗಳ ಮೇಲೆ ಕಾರ್ಮೋಡಗಳ ನಡುವೆ ಹಾರಿ
ಮರಳಿ ಬರುವೆ ಮತ್ತೆ ನಿನ್ನೆಡೆಗೆ
ನಮ್ಮ ಮನೆಯ ಹೊಸಲ ದೀಪ ಹಚ್ಚಲು
ಹಲ ನಾಡುಗಳ ಪಯಣದ ಸುದ್ದಿ ಬಿಚ್ಚಲು!
- ಪ್ರಸನ್ನ ರೇವಣ್ಣ
ದಟ್ಟಕಾಡುಗಳ ಜಡಿಮಳೆಯನು ಹಾದು
ಬಯಲು ಸೀಮೆಗಳ ಗುಡುಗು ಮಿಂಚನುದಾಟಿ
ಸಮುದ್ರಗಳ ಭೋರ್ಗರೆತವನು ಮೀರಿ
ಪಚ್ಚೆ ಪರ್ವತಗಳ ಮೇಲೆ ಕಾರ್ಮೋಡಗಳ ನಡುವೆ ಹಾರಿ
ಮರಳಿ ಬರುವೆ ಮತ್ತೆ ನಿನ್ನೆಡೆಗೆ
ನಮ್ಮ ಮನೆಯ ಹೊಸಲ ದೀಪ ಹಚ್ಚಲು
ಹಲ ನಾಡುಗಳ ಪಯಣದ ಸುದ್ದಿ ಬಿಚ್ಚಲು!
- ಪ್ರಸನ್ನ ರೇವಣ್ಣ
Wednesday, July 19, 2006
ನಿನ್ನೆ ರಾತ್ರಿ ಸುರಿದ ಮಳೆಯ ತೇವದಿಂದ ...
ನಿನ್ನೆ ರಾತ್ರಿ ಸುರಿದ ಮಳೆಯ ತೇವದಿಂದ
ಬೆಣ್ಣೆಯಂತಾಗಿದೆ ನಿನ್ನ ಮನೆಯ ರಸ್ತೆ
ತೊಳೆದಿದೆ ಬಿದಿರೆಲೆಗಳ ಸಾಲು
ಸುರಿದಂತಾಗಿದೆ ಬಿಳಿ ಗುಲಾಬಿಗಳ ಮೇಲೆ ಹಾಲು
ಮನೆಯ ಗೇಟಿನಂಚಿನಲಿ ದಾಸವಾಳಗಳ
ನಡುವೆ ಅರಳಿದೆ ಕಮಲ ಮೊಗ
ಕುತೂಹಲದ ಕುಡಿನೋಟ,
ಇಣುಕು ನೋಟ, ಕಣ್ಣಾಟಗಳ ಬೀರಿ
ಕೊಲ್ಲುತಿದೆ, ಕಾಡುತಿದೆ, ಅಣಕುತಿದೆ
ಒಮ್ಮೆ ಕಂಡು ಮತ್ತೊಮ್ಮೆ ಮಾಯವಾಗಿ
ಜವನದಲಿ ಜವಬಾಧೆಯ ತೋರುತಿದೆ!
- ಪ್ರಸನ್ನ ರೇವಣ್ಣ
ಬೆಣ್ಣೆಯಂತಾಗಿದೆ ನಿನ್ನ ಮನೆಯ ರಸ್ತೆ
ತೊಳೆದಿದೆ ಬಿದಿರೆಲೆಗಳ ಸಾಲು
ಸುರಿದಂತಾಗಿದೆ ಬಿಳಿ ಗುಲಾಬಿಗಳ ಮೇಲೆ ಹಾಲು
ಮನೆಯ ಗೇಟಿನಂಚಿನಲಿ ದಾಸವಾಳಗಳ
ನಡುವೆ ಅರಳಿದೆ ಕಮಲ ಮೊಗ
ಕುತೂಹಲದ ಕುಡಿನೋಟ,
ಇಣುಕು ನೋಟ, ಕಣ್ಣಾಟಗಳ ಬೀರಿ
ಕೊಲ್ಲುತಿದೆ, ಕಾಡುತಿದೆ, ಅಣಕುತಿದೆ
ಒಮ್ಮೆ ಕಂಡು ಮತ್ತೊಮ್ಮೆ ಮಾಯವಾಗಿ
ಜವನದಲಿ ಜವಬಾಧೆಯ ತೋರುತಿದೆ!
- ಪ್ರಸನ್ನ ರೇವಣ್ಣ
Tuesday, July 18, 2006
ನಮ್ಮಿಬ್ಬರ ಕವಿತೆ...
ಸೂರ್ಯನಂತೆ ನೀನು ನಿನ್ನ ಲೀಲಾಮಯ
ಸೌಂದರ್ಯದ ಯಜ್ಞಕುಂಡದ ಹವಿಸ್ಸು
ನಿನ್ನ ಚಂಚಲತೆ
ತರಂಗ ತರಂಗವಾಗಿ ದೂರ ಹಬ್ಬಿರುವ
ದಿಗಂತರೂಪಿ ನಿಹಾರಿಕೆಗಳಂತೆ
ಅಸ್ಪಷ್ಟವಾದರೂ ಪುಲ್ಲಃ ಪ್ರಪುಲ್ಲಿತವಾಗಿ
ಪ್ರಸ್ಪುಟವಾಗಬಲ್ಲ ಭಾವನ ದ್ವನಿಜೇನು
ನನ್ನ ಪ್ರೇಮೋತ್ಕರ್ಷ
ನಿನ್ನ ನೆನಪುಗಳ ಮಾರೀಚಿಕೆಗಳನ್ನೇರಿ
ಮನವೆಂಬ ಸ್ನಿಗ್ದ ಕಾನನದಲ್ಲಿ
ಸೌಮ್ಯಶ್ವೇತ ಜ್ಯೋತ್ಸ್ನೆಯಲ್ಲಿ
ನಿನ್ನನ್ನು ಹುಡುಕುವ ವಿಫಲ ಯತ್ನವೇ
ನಮ್ಮ ಸಂಬಂಧ
ಕಿರಣವಿಹೀನ ರಾಗಗಳಂತೆ, ದಶಂಬರದ
ಕುಳಿರ್ಗಾಳಿಯ ಪ್ರಭಾವದಿಂದ
ಶುಷ್ಕಪರ್ಣಗಳ ಕಳೆದ ವೃಕ್ಷದೇವಿಯಂತೆ
ನಿಸ್ತೇಜರಾಗಿರುವುದು ನಮ್ಮ ಅರ್ವಾಚೀನ
ಪ್ರೇಮ ನಿಷ್ಪತ್ತಿಯೇ ಗೆಳತಿ?
- ಪ್ರಸನ್ನ ರೇವಣ್ಣ
ಸೌಂದರ್ಯದ ಯಜ್ಞಕುಂಡದ ಹವಿಸ್ಸು
ನಿನ್ನ ಚಂಚಲತೆ
ತರಂಗ ತರಂಗವಾಗಿ ದೂರ ಹಬ್ಬಿರುವ
ದಿಗಂತರೂಪಿ ನಿಹಾರಿಕೆಗಳಂತೆ
ಅಸ್ಪಷ್ಟವಾದರೂ ಪುಲ್ಲಃ ಪ್ರಪುಲ್ಲಿತವಾಗಿ
ಪ್ರಸ್ಪುಟವಾಗಬಲ್ಲ ಭಾವನ ದ್ವನಿಜೇನು
ನನ್ನ ಪ್ರೇಮೋತ್ಕರ್ಷ
ನಿನ್ನ ನೆನಪುಗಳ ಮಾರೀಚಿಕೆಗಳನ್ನೇರಿ
ಮನವೆಂಬ ಸ್ನಿಗ್ದ ಕಾನನದಲ್ಲಿ
ಸೌಮ್ಯಶ್ವೇತ ಜ್ಯೋತ್ಸ್ನೆಯಲ್ಲಿ
ನಿನ್ನನ್ನು ಹುಡುಕುವ ವಿಫಲ ಯತ್ನವೇ
ನಮ್ಮ ಸಂಬಂಧ
ಕಿರಣವಿಹೀನ ರಾಗಗಳಂತೆ, ದಶಂಬರದ
ಕುಳಿರ್ಗಾಳಿಯ ಪ್ರಭಾವದಿಂದ
ಶುಷ್ಕಪರ್ಣಗಳ ಕಳೆದ ವೃಕ್ಷದೇವಿಯಂತೆ
ನಿಸ್ತೇಜರಾಗಿರುವುದು ನಮ್ಮ ಅರ್ವಾಚೀನ
ಪ್ರೇಮ ನಿಷ್ಪತ್ತಿಯೇ ಗೆಳತಿ?
- ಪ್ರಸನ್ನ ರೇವಣ್ಣ
ನೆನಪುಗಳೆಂಬ ಗೋರಿಗಳು...
ನನ್ನ ಬದುಕೊಂದು ಬರಡು
ಒಣ ಹುಣಸೆಯ ಕೊರಡು
ಹಸಿರಾದ ಹಾವಿನಂತೆ ಅದು
ಅದರ ಹಸಿರು ತೋರಿಕೆಯದು
ವಿಷವಿಲ್ಲವಿದಕೆ
ಸಖಿ ಹತ್ತಿರವಿಲ್ಲ ಅದು ಬದುಕೆ?
ಸತ್ವ ಸುವಿಚಾರಗಳು ತಣಿಸುತ್ತವೆ
ನಿಶ್ಚಲವಾದ ಮನಸಿಗೆ ಸಿಹಿ ಉಣಿಸುತ್ತವೆ
ದೇಹದ ಮನಸ್ಸಿಗೆ ಸುಡುವುದೊಂದು ಗೊತ್ತು
ಮನಸ್ಸಿನ ಮನಸು ನೋಡುವುದು ಸತ್ತು
ಕವಿತೆ ಹುಟ್ಟುತ್ತವೆ ಸಮಾಧಾನಕ್ಕಾಗಿ
ನೆನಪುಗಳ ಗೋರಿಯ ಕಟ್ಟುವುದಕ್ಕಾಗಿ
ನೆನಪುಗಳು ಸಾಯುವುದಿಲ್ಲ ಅಲ್ಲವೇ?
ಗೋರಿಯೂ ನೆನಪಿಗಾಗಿ ಅಲ್ಲವೆ?
- ಪ್ರಸನ್ನ ರೇವಣ್ಣ
ಒಣ ಹುಣಸೆಯ ಕೊರಡು
ಹಸಿರಾದ ಹಾವಿನಂತೆ ಅದು
ಅದರ ಹಸಿರು ತೋರಿಕೆಯದು
ವಿಷವಿಲ್ಲವಿದಕೆ
ಸಖಿ ಹತ್ತಿರವಿಲ್ಲ ಅದು ಬದುಕೆ?
ಸತ್ವ ಸುವಿಚಾರಗಳು ತಣಿಸುತ್ತವೆ
ನಿಶ್ಚಲವಾದ ಮನಸಿಗೆ ಸಿಹಿ ಉಣಿಸುತ್ತವೆ
ದೇಹದ ಮನಸ್ಸಿಗೆ ಸುಡುವುದೊಂದು ಗೊತ್ತು
ಮನಸ್ಸಿನ ಮನಸು ನೋಡುವುದು ಸತ್ತು
ಕವಿತೆ ಹುಟ್ಟುತ್ತವೆ ಸಮಾಧಾನಕ್ಕಾಗಿ
ನೆನಪುಗಳ ಗೋರಿಯ ಕಟ್ಟುವುದಕ್ಕಾಗಿ
ನೆನಪುಗಳು ಸಾಯುವುದಿಲ್ಲ ಅಲ್ಲವೇ?
ಗೋರಿಯೂ ನೆನಪಿಗಾಗಿ ಅಲ್ಲವೆ?
- ಪ್ರಸನ್ನ ರೇವಣ್ಣ
Tuesday, July 11, 2006
ನಾಗಪಂಚಮಿಯಂದು ಜೋಕಾಲಿ ಜೀಕುವಾಗ...
ನಾಗಪಂಚಮಿಯಂದು ಜೋಕಾಲಿ ಜೀಕುವಾಗ
ಸುರಿಯಿತು ಮಳೆ ಬೀಸಿತು ಗಾಳಿಯು ವೇಗ
ಮಳೆ ಹನಿಗಳೊಂದಿಗೆ ತೇಲಿದೆವು
ನಾನು ನನ್ನ ಗೆಳತಿ, ಹಾರುವಂತೆ ಹಕ್ಕಿ
ಮಿಂಚಿನ ಬೆಳಕಿಗೆ ಗುಡುಗಿನ ಸದ್ದಿಗೆ
ಕಿಂಕಿಣಿಸುತ್ತಿದೆ ನಮ್ಮಯ ಕೇಕೆ
ಹರಿಯುವ ನೀರಿನ ಜುಳು ಜುಳು ನಾದ
ಉಲಿದಿದೆ ಪ್ರಕೃತಿ ಗಾನ
ಹನಿಗಳ ಪರದೆಯ ಮಧ್ಯೆ
ಮಾವಿನ ಮರಗಳ ಶಯ್ಯೆ
ಬೆಚ್ಚನೆ ಪ್ರೇಮ ಹಚ್ಚನೆ ಮರದೆಲೆ
ತನ್ನಾತ್ಮನು ಪರವಶವಲ್ಲೆ!
- ಪ್ರಸನ್ನ
ಸುರಿಯಿತು ಮಳೆ ಬೀಸಿತು ಗಾಳಿಯು ವೇಗ
ಮಳೆ ಹನಿಗಳೊಂದಿಗೆ ತೇಲಿದೆವು
ನಾನು ನನ್ನ ಗೆಳತಿ, ಹಾರುವಂತೆ ಹಕ್ಕಿ
ಮಿಂಚಿನ ಬೆಳಕಿಗೆ ಗುಡುಗಿನ ಸದ್ದಿಗೆ
ಕಿಂಕಿಣಿಸುತ್ತಿದೆ ನಮ್ಮಯ ಕೇಕೆ
ಹರಿಯುವ ನೀರಿನ ಜುಳು ಜುಳು ನಾದ
ಉಲಿದಿದೆ ಪ್ರಕೃತಿ ಗಾನ
ಹನಿಗಳ ಪರದೆಯ ಮಧ್ಯೆ
ಮಾವಿನ ಮರಗಳ ಶಯ್ಯೆ
ಬೆಚ್ಚನೆ ಪ್ರೇಮ ಹಚ್ಚನೆ ಮರದೆಲೆ
ತನ್ನಾತ್ಮನು ಪರವಶವಲ್ಲೆ!
- ಪ್ರಸನ್ನ
ದಟ್ಟ ಹರಿದ್ವರ್ಣದ ಕಂಬಳಿಯನೊದ್ದ...
ದಟ್ಟ ಹರಿದ್ವರ್ಣದ ಕಂಬಳಿಯನೊದ್ದ
ಆರ್ದ್ರ ಪರ್ವತಗಳ ನಡುವೆ ಕಿರಿದಾಗಿ
ಏರಿದೆ ಹರಿತವಾದ ದಾರಿ
ಮೇಲಿನ ಬಿಳಿ ಮೋಡಗಳ ತಳ್ಳಿ
ಬಣ್ಣ ಬಣ್ಣದ ಚುಕ್ಕಿಯಂತರಳಿದೆ ಚಿಕ್ಕ ಹಳ್ಳಿ
ಹೊಗಳ ಕೆಂಪ ಮೀರಿಸಿ ಬಿರಿದಿದೆ ಆಲದ ಚಿಗುರು
ದೊಡ್ಡ ತೇಗದ ಮರಗಳನಪ್ಪಿ ಬಗ್ಗಿಸಿದೆ ಚಿಕ್ಕ ಬಳ್ಳಿ
ಪ್ರಕೃತಿಯ ಅಂಕೆ ಮೀರಿ ಬೆಳೆವುದು ಜೀವ
ಅದಕ್ಕೆ ಬೇಕು ಶಮ, ಸಂಯಮದ ಭಾವ
ಸತ್ಯದ ಅಂಕೆ ಮೀರಿದರೆ ಹುಟ್ಟುವುದೇ ಕಾವ?
- ಪ್ರಸನ್ನ
ಆರ್ದ್ರ ಪರ್ವತಗಳ ನಡುವೆ ಕಿರಿದಾಗಿ
ಏರಿದೆ ಹರಿತವಾದ ದಾರಿ
ಮೇಲಿನ ಬಿಳಿ ಮೋಡಗಳ ತಳ್ಳಿ
ಬಣ್ಣ ಬಣ್ಣದ ಚುಕ್ಕಿಯಂತರಳಿದೆ ಚಿಕ್ಕ ಹಳ್ಳಿ
ಹೊಗಳ ಕೆಂಪ ಮೀರಿಸಿ ಬಿರಿದಿದೆ ಆಲದ ಚಿಗುರು
ದೊಡ್ಡ ತೇಗದ ಮರಗಳನಪ್ಪಿ ಬಗ್ಗಿಸಿದೆ ಚಿಕ್ಕ ಬಳ್ಳಿ
ಪ್ರಕೃತಿಯ ಅಂಕೆ ಮೀರಿ ಬೆಳೆವುದು ಜೀವ
ಅದಕ್ಕೆ ಬೇಕು ಶಮ, ಸಂಯಮದ ಭಾವ
ಸತ್ಯದ ಅಂಕೆ ಮೀರಿದರೆ ಹುಟ್ಟುವುದೇ ಕಾವ?
- ಪ್ರಸನ್ನ
ನನ್ನ ಮುತ್ತ್ತಜ್ಜನ ವಯಸ್ಸಿನ ಮಾವಿನಮರ...
ನನ್ನ ಮುತ್ತ್ತಜ್ಜನ ವಯಸ್ಸಿನ
ಮಾವಿನ ಮರ ಮೌನವಾಗಿ ಬಿಕ್ಕುತ್ತಿದೆ...
ತನ್ನ ಮೇಲು ಮರಕೋತಿ ಆಡಬೇಕಾದ ಮಕ್ಕಳು
ಪಟ್ಟಣದ ಚಿಕ್ಕ ಓಣಿಮನೆಗಳಲ್ಲಿ
ಚಿತ್ರದ ಪೆಟ್ಟಿಗೆ ದೃಷ್ಟಿಸುವುದ ಕಂಡು...
ಅಲ್ಲೇ ಕೆಳಗಿನ ಬಾವಿ ಬೊಬ್ಬಿಡುತಿದೆ
ತನ್ನ ಒಡಲಿಗೆ ಮಕ್ಕಳು ಜಿಗಿದು
ಈಜಿ ನಲಿದಾಡಿ ಗುದ್ದಾಡಿ
ಕಚಗುಳಿಯಿಡುತ್ತಿದ್ದ ದಿನಗಳ ನೆನೆದು
ಬೇಲಿಯಲ್ಲಿನ ಮೂರು ನೆಲ್ಲಿಯ
ಮರಗಳ ಕೆಳಗೆ ರಾಶಿ ಹಣ್ಣುಗಳು
ಹೆಕ್ಕುವ ಹುಡುಗಿಯರಿಲ್ಲ...
ಹಕ್ಕಿಗಳಿಲ್ಲ, ಅಳಿದ ಅಳಿಲುಗಳಿಲ್ಲ
ದೂರದಲ್ಲೆಲ್ಲೋ ದೊಡ್ಡ ಯಂತ್ರ
ಇತ್ತಲೇ ನುಗ್ಗುತ್ತಿದೆ...
ತಮ್ಮ ಪಕ್ಕದ ತೋಟದ
ಮರಗಳ ಉರುಳಿಸುತ್ತಾ
ಹಿಂದೆ ಮರಕೋತಿಯಾಡಿದ್ದ
ಹುಡುಗ ನುಗ್ಗುತ್ತಿದ್ದಾನೆ
ಭೋರ್ಗರೆಯುವ ಯಂತ್ರದ
ಮಂತ್ರ ಊದುತ್ತಾ...
- ಪ್ರಸನ್ನ ರೇವನ್
ಮಾವಿನ ಮರ ಮೌನವಾಗಿ ಬಿಕ್ಕುತ್ತಿದೆ...
ತನ್ನ ಮೇಲು ಮರಕೋತಿ ಆಡಬೇಕಾದ ಮಕ್ಕಳು
ಪಟ್ಟಣದ ಚಿಕ್ಕ ಓಣಿಮನೆಗಳಲ್ಲಿ
ಚಿತ್ರದ ಪೆಟ್ಟಿಗೆ ದೃಷ್ಟಿಸುವುದ ಕಂಡು...
ಅಲ್ಲೇ ಕೆಳಗಿನ ಬಾವಿ ಬೊಬ್ಬಿಡುತಿದೆ
ತನ್ನ ಒಡಲಿಗೆ ಮಕ್ಕಳು ಜಿಗಿದು
ಈಜಿ ನಲಿದಾಡಿ ಗುದ್ದಾಡಿ
ಕಚಗುಳಿಯಿಡುತ್ತಿದ್ದ ದಿನಗಳ ನೆನೆದು
ಬೇಲಿಯಲ್ಲಿನ ಮೂರು ನೆಲ್ಲಿಯ
ಮರಗಳ ಕೆಳಗೆ ರಾಶಿ ಹಣ್ಣುಗಳು
ಹೆಕ್ಕುವ ಹುಡುಗಿಯರಿಲ್ಲ...
ಹಕ್ಕಿಗಳಿಲ್ಲ, ಅಳಿದ ಅಳಿಲುಗಳಿಲ್ಲ
ದೂರದಲ್ಲೆಲ್ಲೋ ದೊಡ್ಡ ಯಂತ್ರ
ಇತ್ತಲೇ ನುಗ್ಗುತ್ತಿದೆ...
ತಮ್ಮ ಪಕ್ಕದ ತೋಟದ
ಮರಗಳ ಉರುಳಿಸುತ್ತಾ
ಹಿಂದೆ ಮರಕೋತಿಯಾಡಿದ್ದ
ಹುಡುಗ ನುಗ್ಗುತ್ತಿದ್ದಾನೆ
ಭೋರ್ಗರೆಯುವ ಯಂತ್ರದ
ಮಂತ್ರ ಊದುತ್ತಾ...
- ಪ್ರಸನ್ನ ರೇವನ್
Monday, July 10, 2006
ಬಯಲು ಸೀಮೆಯಲ್ಲಿನ...
ಬಯಲು ಸೀಮೆಯಲ್ಲಿನ
ನೆಲದ ಬಿರುಕುಗಳು ಅಲ್ಲಿಯ
ಗಂಡಸರ ಬಾಹುಗಳಂತೆ
ಬಲು ಕಠಿಣ ಮತ್ತು ಕಲಾತ್ಮಕ
ಆ ಬಿರುಕುಗಳನ್ನು ಸೀಳಿ
ಚಿಕ್ಕ ಇಬ್ಬನಿಯ ತೇವ
ಗರಿಕೆ ಹುಲ್ಲನ್ನು ಹುಟ್ಟಿಸುತ್ತದೆ
ಎರೆ ಬಣ್ಣದ ಬಾಹುಗಳು
ಮೈಲುಗಟ್ಟಲೆ ಭೂಮಿ
ಅಗೆಯುವಂತೆ
ಬಯಲಿನ ಗಾಳಿಯಲ್ಲಿ
ಅಪರೂಪದ ಸುಗಂಧಗಳು
ನೆನಪಿಸುತ್ತವೆ ಅಲ್ಲಿನ ಹೆಣ್ಣುಗಳ
ಮುಗ್ಧ ಸೌಂದರ್ಯವನ್ನು
ಬಯಲಿನ ಆಗಸದಲ್ಲಿ ಅಲೆಯುವ
ಹಕ್ಕಿಯೊಂದು ತನ್ನ ಜೋಡಿಯನ್ನು
ಬೆನ್ನಟ್ಟಿದೆ, ಆ ಆಗಸದ ಕೆಳಗೆ
ಬಂಡಿಯ ತಳದ ನೆರಳಿನಲ್ಲಿ
ಪಿಸುಮಾತಾಡುವ ಪ್ರೇಮಿಗಳಂತೆ
ದೂರದಲ್ಲೊಂದು ಕೃಷ್ಣ ಮೃಗಗಳ
ಹಿಂಡು ಅಲೆಯುತ್ತಿವೆ ನೀರ ಹುಡುಕಿ
ಬೆದರುತ್ತವೆ ಚಿಮ್ಮುತ್ತವೆ
ಮರೀಚಿಕೆಯಲ್ಲಿ ತಮ್ಮ ಪ್ರತಿಫಲನವ
ತಾವೆ ಕಂಡು
ಶ್ರಾವಣದ ಸಂಜೆಗಳಲ್ಲಿ ಬಯಲು
ಸೀಮೆಯ ತುಂಬಿದೆ ಶಿವನ ಹೆಸರು
ರೊಟ್ಟಿ ಬಡಿಯುವ ಸದ್ದಿಗೆ ತಾಳವಾಗಿ
ಶಿಲ್ಪಿಯ ಕೆತ್ತನೆಗೆ ಪದವಾಗಿ
ನ್ಯಾಯದ ಮಾತುಗಳಿಗೆ ಸಾಕ್ಷಿಯಾಗಿ
ಚಿಕ್ಕ ಕಂದನ ತೊದಲಿಗೆ ದನಿಯಾಗಿ
- ಪ್ರಸನ್ನ ರೇವಣ್ಣ
ನೆಲದ ಬಿರುಕುಗಳು ಅಲ್ಲಿಯ
ಗಂಡಸರ ಬಾಹುಗಳಂತೆ
ಬಲು ಕಠಿಣ ಮತ್ತು ಕಲಾತ್ಮಕ
ಆ ಬಿರುಕುಗಳನ್ನು ಸೀಳಿ
ಚಿಕ್ಕ ಇಬ್ಬನಿಯ ತೇವ
ಗರಿಕೆ ಹುಲ್ಲನ್ನು ಹುಟ್ಟಿಸುತ್ತದೆ
ಎರೆ ಬಣ್ಣದ ಬಾಹುಗಳು
ಮೈಲುಗಟ್ಟಲೆ ಭೂಮಿ
ಅಗೆಯುವಂತೆ
ಬಯಲಿನ ಗಾಳಿಯಲ್ಲಿ
ಅಪರೂಪದ ಸುಗಂಧಗಳು
ನೆನಪಿಸುತ್ತವೆ ಅಲ್ಲಿನ ಹೆಣ್ಣುಗಳ
ಮುಗ್ಧ ಸೌಂದರ್ಯವನ್ನು
ಬಯಲಿನ ಆಗಸದಲ್ಲಿ ಅಲೆಯುವ
ಹಕ್ಕಿಯೊಂದು ತನ್ನ ಜೋಡಿಯನ್ನು
ಬೆನ್ನಟ್ಟಿದೆ, ಆ ಆಗಸದ ಕೆಳಗೆ
ಬಂಡಿಯ ತಳದ ನೆರಳಿನಲ್ಲಿ
ಪಿಸುಮಾತಾಡುವ ಪ್ರೇಮಿಗಳಂತೆ
ದೂರದಲ್ಲೊಂದು ಕೃಷ್ಣ ಮೃಗಗಳ
ಹಿಂಡು ಅಲೆಯುತ್ತಿವೆ ನೀರ ಹುಡುಕಿ
ಬೆದರುತ್ತವೆ ಚಿಮ್ಮುತ್ತವೆ
ಮರೀಚಿಕೆಯಲ್ಲಿ ತಮ್ಮ ಪ್ರತಿಫಲನವ
ತಾವೆ ಕಂಡು
ಶ್ರಾವಣದ ಸಂಜೆಗಳಲ್ಲಿ ಬಯಲು
ಸೀಮೆಯ ತುಂಬಿದೆ ಶಿವನ ಹೆಸರು
ರೊಟ್ಟಿ ಬಡಿಯುವ ಸದ್ದಿಗೆ ತಾಳವಾಗಿ
ಶಿಲ್ಪಿಯ ಕೆತ್ತನೆಗೆ ಪದವಾಗಿ
ನ್ಯಾಯದ ಮಾತುಗಳಿಗೆ ಸಾಕ್ಷಿಯಾಗಿ
ಚಿಕ್ಕ ಕಂದನ ತೊದಲಿಗೆ ದನಿಯಾಗಿ
- ಪ್ರಸನ್ನ ರೇವಣ್ಣ
Sunday, July 09, 2006
ನೇಸರನ ಬೆಳಕು ಥಳಥಳಿಸುತ್ತಿದ್ದ...
ನೇಸರನ ಬೆಳಕು ಥಳಥಳಿಸುತ್ತಿದ್ದ
ಕೊಡವನ್ನೆತ್ತಿದಳು ಬಾಲೆ ಬಾವಿಯಿಂದ
ಚಿಮ್ಮಿದಳು ಬೊಗಸೆ ನೀರನ್ನು ಆಕಾಶದತ್ತ!
ಎತ್ತರಕ್ಕೇರಿದ ನೀರು ಹೊರಳಿತು
ದೇಗುಲದ ಅಂಗಳದತ್ತ!
ಚಿನ್ನದ ಗುಲಾಬಿಯಂತಹ ಬೆಳಗು ಹೊತ್ತಿಸಿತು
ದೇಗುಲದ ಶಿಲಾ ಗೋಪುರವನ್ನು!
ಮರಗಳ ತರಗಲೆಗಳೇರಿದುವು
ಗಾಳಿಯೊಂದಿಗೆ ಆಕಾಶವನ್ನು!
ನಿನ್ನೆ ತಾನೆ ನಿವೃತ್ತಿ ಹೊಂದಿದ ರಾತ್ರಿ
ಮರಳಿಬಂದಿದೆ ಇಂದು ನಮ್ಮ ಊರಿಗೆ ಬೆಳಕಾಗಿ
ಒಣಗಿ ಬಿರಿದ ನೆಲಕೆ ಜೀವದ ಹನಿಯಾಗಿ!
- ಪ್ರಸನ್ನ ರೇವನ್
ಕೊಡವನ್ನೆತ್ತಿದಳು ಬಾಲೆ ಬಾವಿಯಿಂದ
ಚಿಮ್ಮಿದಳು ಬೊಗಸೆ ನೀರನ್ನು ಆಕಾಶದತ್ತ!
ಎತ್ತರಕ್ಕೇರಿದ ನೀರು ಹೊರಳಿತು
ದೇಗುಲದ ಅಂಗಳದತ್ತ!
ಚಿನ್ನದ ಗುಲಾಬಿಯಂತಹ ಬೆಳಗು ಹೊತ್ತಿಸಿತು
ದೇಗುಲದ ಶಿಲಾ ಗೋಪುರವನ್ನು!
ಮರಗಳ ತರಗಲೆಗಳೇರಿದುವು
ಗಾಳಿಯೊಂದಿಗೆ ಆಕಾಶವನ್ನು!
ನಿನ್ನೆ ತಾನೆ ನಿವೃತ್ತಿ ಹೊಂದಿದ ರಾತ್ರಿ
ಮರಳಿಬಂದಿದೆ ಇಂದು ನಮ್ಮ ಊರಿಗೆ ಬೆಳಕಾಗಿ
ಒಣಗಿ ಬಿರಿದ ನೆಲಕೆ ಜೀವದ ಹನಿಯಾಗಿ!
- ಪ್ರಸನ್ನ ರೇವನ್
ಕನಸುಗಳಿಲ್ಲದ ಮುಂಜಾನೆಯೆಂದರೆ...
ಕನಸುಗಳಿಲ್ಲದ ಮುಂಜಾನೆಯೆಂದರೆ
ಬಿಸಿಲೂ ಮಳೆಯೂ ಇಲ್ಲದ ಆಕಾಶದಂತೆ
ಕನಸುಗಳನ್ನು ಹುಟ್ಟಿಸದ ಮನಸೆಂದರೆ
ಅರಳೀ ಮರವಿಲ್ಲದ ಕಟ್ಟೆಯಂತೆ
ಕನಸುಗಳಿದ್ದೂ ಸಾಧಿಸದ ಬದುಕೆಂದರೆ
ಕಣ್ಣುಗಳಿಲ್ಲದಿದ್ದರೂ ನೋಡದ ಅರಸಿಕರಂತೆ!
- ಪ್ರಸನ್ನ ರೇ
ಬಿಸಿಲೂ ಮಳೆಯೂ ಇಲ್ಲದ ಆಕಾಶದಂತೆ
ಕನಸುಗಳನ್ನು ಹುಟ್ಟಿಸದ ಮನಸೆಂದರೆ
ಅರಳೀ ಮರವಿಲ್ಲದ ಕಟ್ಟೆಯಂತೆ
ಕನಸುಗಳಿದ್ದೂ ಸಾಧಿಸದ ಬದುಕೆಂದರೆ
ಕಣ್ಣುಗಳಿಲ್ಲದಿದ್ದರೂ ನೋಡದ ಅರಸಿಕರಂತೆ!
- ಪ್ರಸನ್ನ ರೇ
Thursday, July 06, 2006
ನಿದ್ದೆಯಿಲ್ಲದ ರಾತ್ರಿ ಹೊಳೆಯುತ್ತಿದೆ ದೀಪ ಹಣತೆಯಲ್ಲಿ
ನಿದ್ದೆಯಿಲ್ಲದ ರಾತ್ರಿ ಹೊಳೆಯುತ್ತಿದೆ ದೀಪ ಹಣತೆಯಲ್ಲಿ
ಗಾಢವಾದಂತೆ ಕಪ್ಪು ಸುಳಿದಾಡುತ್ತಿದೆ ಗಾಳಿ ಕೋಣೆಯಲ್ಲಿ
ಭಾಸವೆನಿಸಿದೆ ತಟ ತಟನೆ ಹನಿ ಬಿದ್ದ ಸದ್ದು ಹಂಚಿನಿಂದ
ಘಮ್ಮನೆಯ ಸೌರಭ ಸೂಸುತ್ತಿದೆ ಮಣ್ಣಿನಿಂದ
ಹಗಲಲ್ಲೆದ್ದ ಧೂಳು ಮಲಗುತ್ತಿದೆ ಭೂಮಿಯಪ್ಪಿ
ಗುಡುಗು ಗುಡುಗುಡುತ್ತಿದೆ ತಾಳತಪ್ಪಿ!
- ಪ್ರಸನ್ನ ರೇವನ್
ಗಾಢವಾದಂತೆ ಕಪ್ಪು ಸುಳಿದಾಡುತ್ತಿದೆ ಗಾಳಿ ಕೋಣೆಯಲ್ಲಿ
ಭಾಸವೆನಿಸಿದೆ ತಟ ತಟನೆ ಹನಿ ಬಿದ್ದ ಸದ್ದು ಹಂಚಿನಿಂದ
ಘಮ್ಮನೆಯ ಸೌರಭ ಸೂಸುತ್ತಿದೆ ಮಣ್ಣಿನಿಂದ
ಹಗಲಲ್ಲೆದ್ದ ಧೂಳು ಮಲಗುತ್ತಿದೆ ಭೂಮಿಯಪ್ಪಿ
ಗುಡುಗು ಗುಡುಗುಡುತ್ತಿದೆ ತಾಳತಪ್ಪಿ!
- ಪ್ರಸನ್ನ ರೇವನ್
ಆ ಕಾಡಿನ ದಾರಿಯಲ್ಲೊಂದು ಬಿದಿರಿನ ಪೆಳೆ
ಆ ಕಾಡಿನ ದಾರಿಯಲ್ಲೊಂದು ಬಿದಿರಿನ ಪೆಳೆ
ಹನಿ ಹನಿ ನೀರುದುರಿಸಿ ಬಾರಮಾಡಿದೆ ಮಳೆ
ನೆಲಕ್ಕೆ ಬಾಗಿದೆ ಬಿದಿರು ಆ ಗುಹೆಯ ಸುತ್ತ ಹಸಿರು
ಓಂಕಾರದ ಮರ್ಮರ ಮರುತನ ಬಿದುರಿನ ಗಾನ
ನೆಲದಲ್ಲರಡಿದ ಪಚ್ಚೆ ಹುಲ್ಲಿನ ಮೌನ
ಪ್ರಕೃತಿ ಧ್ಯಾನದಿ ದಟ್ಟಾರಣ್ಯವೇ ಗೌಣ!
- ಪ್ರಸನ್ನ ರೇವನ್
ಹನಿ ಹನಿ ನೀರುದುರಿಸಿ ಬಾರಮಾಡಿದೆ ಮಳೆ
ನೆಲಕ್ಕೆ ಬಾಗಿದೆ ಬಿದಿರು ಆ ಗುಹೆಯ ಸುತ್ತ ಹಸಿರು
ಓಂಕಾರದ ಮರ್ಮರ ಮರುತನ ಬಿದುರಿನ ಗಾನ
ನೆಲದಲ್ಲರಡಿದ ಪಚ್ಚೆ ಹುಲ್ಲಿನ ಮೌನ
ಪ್ರಕೃತಿ ಧ್ಯಾನದಿ ದಟ್ಟಾರಣ್ಯವೇ ಗೌಣ!
- ಪ್ರಸನ್ನ ರೇವನ್
ಇಬ್ಬನಿ ಕರಗಿದ ನೀರಿನಿಂದ ಒದ್ದೆಯಾಗಿದೆ ನನ್ನ ಹೃದಯ...
ಇಬ್ಬನಿ ಕರಗಿದ ನೀರಿನಿಂದ ಒದ್ದೆಯಾಗಿದೆ ನನ್ನ ಹೃದಯ
ವಸಂತನ ಬಿಸಿಲ್ಮಳೆಯ ಕಾಮನಬಿಲ್ಲಿನಿಂದ ಬಣ್ಣವಾಗಿದೆ ನನ್ನ ಬಟ್ಟೆ
ದೇಗುಲದ ಹೆಬ್ಬಾಗಿಲಿನಿಂದ ನನ್ನ ಮನದೊಳಗೆ ನೆಡೆದಾಗ
ಕೇಳಿಸಿತು ಸುಮಧುರ ಘಂಟಾನಾದ, ಅಲ್ಲೇ ಭಾರದ್ವಾಜ ಪಕ್ಷಿ
ಹಾರಿ ಕುಳಿತಿದೆ ಚಿನ್ನದ ಹೂಗಳ ಕಮಾನಿನ ಮೇಲೆ!
ಗುಲಾಬಿ ಪಾರಿವಾಳಗಳು ಮುತ್ತಿಡುತ್ತಿವೆ ಒಂದನ್ನೊಂದು
ವಿಸ್ಮಯದ ವಿಸ್ತರಣೆ ನಿನ್ನ ನೆನಪು, ಕವಿತೆ ಬಿರಿವ ಒನಪು!
- ಪ್ರಸನ್ನ ರೇವನ್
ವಸಂತನ ಬಿಸಿಲ್ಮಳೆಯ ಕಾಮನಬಿಲ್ಲಿನಿಂದ ಬಣ್ಣವಾಗಿದೆ ನನ್ನ ಬಟ್ಟೆ
ದೇಗುಲದ ಹೆಬ್ಬಾಗಿಲಿನಿಂದ ನನ್ನ ಮನದೊಳಗೆ ನೆಡೆದಾಗ
ಕೇಳಿಸಿತು ಸುಮಧುರ ಘಂಟಾನಾದ, ಅಲ್ಲೇ ಭಾರದ್ವಾಜ ಪಕ್ಷಿ
ಹಾರಿ ಕುಳಿತಿದೆ ಚಿನ್ನದ ಹೂಗಳ ಕಮಾನಿನ ಮೇಲೆ!
ಗುಲಾಬಿ ಪಾರಿವಾಳಗಳು ಮುತ್ತಿಡುತ್ತಿವೆ ಒಂದನ್ನೊಂದು
ವಿಸ್ಮಯದ ವಿಸ್ತರಣೆ ನಿನ್ನ ನೆನಪು, ಕವಿತೆ ಬಿರಿವ ಒನಪು!
- ಪ್ರಸನ್ನ ರೇವನ್
ಕಡುನೀಲಿ ನದಿಯಲ್ಲೊಂದು ಶ್ವೇತಪಕ್ಷಿ
ಕಡುನೀಲಿ ನದಿಯಲ್ಲೊಂದು ಶ್ವೇತಪಕ್ಷಿ
ಹರಿದ್ವರ್ಣದ ಬೆಟ್ಟದಲ್ಲಿ ಅರಳಲಿವೆ ರಾಶಿ ಪುಷ್ಪ
ಕಪ್ಪು ರಾತ್ರಿ ತುಂಬಾ ಚಂದ್ರ ಮೇಘರ ತಳಮಳ
ಇಬ್ಬನಿ ಜಾರಿದೆ ಹುಲ್ಲಿನ ಬೇರಿಗೆ
ಆಗಲಿದೆ ವೇಗದಿ ಈ ವಸಂತನ ನಿರ್ಗಮನ
ಎಂದು ಆಗಲಿದೆ ನಿನ್ನ ಆಗಮನ?
- ಪ್ರಸನ್ನ ರೇವನ್
ಹರಿದ್ವರ್ಣದ ಬೆಟ್ಟದಲ್ಲಿ ಅರಳಲಿವೆ ರಾಶಿ ಪುಷ್ಪ
ಕಪ್ಪು ರಾತ್ರಿ ತುಂಬಾ ಚಂದ್ರ ಮೇಘರ ತಳಮಳ
ಇಬ್ಬನಿ ಜಾರಿದೆ ಹುಲ್ಲಿನ ಬೇರಿಗೆ
ಆಗಲಿದೆ ವೇಗದಿ ಈ ವಸಂತನ ನಿರ್ಗಮನ
ಎಂದು ಆಗಲಿದೆ ನಿನ್ನ ಆಗಮನ?
- ಪ್ರಸನ್ನ ರೇವನ್
ಯಾರ ಮನೆಯಿಂದ ಹರಡುತ್ತಿದೆ ಆ ಸುಪ್ತ ವೇಣುಧ್ವನಿ?
ಯಾರ ಮನೆಯಿಂದ ಹರಡುತ್ತಿದೆ ಆ ಸುಪ್ತ ವೇಣುಧ್ವನಿ?
ರಿತು ಶರದೃವಿನ ಅರ್ಭಟದಲ್ಲೂ ಅಡಗದ ಆ ದಿವ್ಯದ್ವನಿ...
ಸರಿರಾತ್ರಿಗಳ ಜಡಿಮಳೆಯಲ್ಲರಳಿದೆ ಬ್ರಹ್ಮ ಕಮಲ!
ಮನಸನು ತುಂಬಿದೆ ಆನಂದದ ತಾಳ!
- ಪ್ರಸನ್ನ ರೇವನ್
ರಿತು ಶರದೃವಿನ ಅರ್ಭಟದಲ್ಲೂ ಅಡಗದ ಆ ದಿವ್ಯದ್ವನಿ...
ಸರಿರಾತ್ರಿಗಳ ಜಡಿಮಳೆಯಲ್ಲರಳಿದೆ ಬ್ರಹ್ಮ ಕಮಲ!
ಮನಸನು ತುಂಬಿದೆ ಆನಂದದ ತಾಳ!
- ಪ್ರಸನ್ನ ರೇವನ್
Wednesday, July 05, 2006
ಮಳೆನಿಂತ ತಂಗಾಳಿಯ ರಾತ್ರಿ...
ಮಳೆನಿಂತ ತಂಗಾಳಿಯ ರಾತ್ರಿ, ಸರೋವರದ ದಡದಲ್ಲಿ ಶಮೀವೃಕ್ಷ
ದಿಟ್ಟಿಸುತ್ತಿದ್ದಾಳೆ ತರುಣಿ...
ಕೆಲ ಅಡಿಗಳಂತರದಲ್ಲಿ ತೇಲುತ್ತಿದೆ ಶೀತಲ ಚಂದ್ರನ ಪ್ರತಿಪಲನ,
ಹತ್ತಿರದಲ್ಲೇ ಮಿಣುಕುತ್ತಿದೆ ಲಾಟೀನಿನ ಬೆಳಕು ಮನೆಯಲ್ಲಿ
ಪಕ್ಕದ ಪೊದೆಯ ಗೂಡಿನಲ್ಲೆರಡು ಕೊಕ್ಕರೆಗಳ ಮಿಲನ...
ಅಲ್ಲೇ ನಿಂತ ದೋಣಿಯ ಹಿಂದೆ ಮೀನೊಂದು ಚಿಮ್ಮಿತು ತನನ...
- ಪ್ರಸನ್ನ ರೇವನ್
ದಿಟ್ಟಿಸುತ್ತಿದ್ದಾಳೆ ತರುಣಿ...
ಕೆಲ ಅಡಿಗಳಂತರದಲ್ಲಿ ತೇಲುತ್ತಿದೆ ಶೀತಲ ಚಂದ್ರನ ಪ್ರತಿಪಲನ,
ಹತ್ತಿರದಲ್ಲೇ ಮಿಣುಕುತ್ತಿದೆ ಲಾಟೀನಿನ ಬೆಳಕು ಮನೆಯಲ್ಲಿ
ಪಕ್ಕದ ಪೊದೆಯ ಗೂಡಿನಲ್ಲೆರಡು ಕೊಕ್ಕರೆಗಳ ಮಿಲನ...
ಅಲ್ಲೇ ನಿಂತ ದೋಣಿಯ ಹಿಂದೆ ಮೀನೊಂದು ಚಿಮ್ಮಿತು ತನನ...
- ಪ್ರಸನ್ನ ರೇವನ್
Tuesday, July 04, 2006
ತುಂಗಭದ್ರೆಯಲ್ಲಿ ಭರತಿ ಬಿದ್ದಾಗ
ಭದ್ರೆಯಾಗಿ ಕೆಂದನ್ನೂ, ತುಂಗೆಯಾಗಿ ಹಸಿರೆಲೆಗಳನ್ನೂ ತಂದ
ತುಂಗಭದ್ರೆ ಸಂಗಮದಲ್ಲಿ ವರುಣೋನ್ಮತ್ತೆಯಾಗಿ
ಹರಿಹರದಲ್ಲಿ ದೇವನ ಪಾದಗಳನ್ನು ತೊಳೆಯುವಂತೆ,
ಅವಳ ಜಲಗರ್ಭದ ಮೇಲೆ ತೇಲುತ್ತಿದೆ ಹಾಯಿದೋಣಿ,
ಮಳೆಗಾಲದಲ್ಲೂ ಮೀನುಗಳನ್ನು ಅರಸುತ್ತಿದೆ ಮಿಂಚುಳ್ಳಿ,
ತಮ್ಮ ಕಾಯಕಗಳನ್ನು ಪ್ರೀತಿಸುತ್ತಾ ಚಳಿಗಾಲಕ್ಕೆ
ತಮ್ಮ ಮನೆಗಳನ್ನು ಸೇರುವಂತೆ!
- ಪ್ರಸನ್ನ ರೇವನ್
ತುಂಗಭದ್ರೆ ಸಂಗಮದಲ್ಲಿ ವರುಣೋನ್ಮತ್ತೆಯಾಗಿ
ಹರಿಹರದಲ್ಲಿ ದೇವನ ಪಾದಗಳನ್ನು ತೊಳೆಯುವಂತೆ,
ಅವಳ ಜಲಗರ್ಭದ ಮೇಲೆ ತೇಲುತ್ತಿದೆ ಹಾಯಿದೋಣಿ,
ಮಳೆಗಾಲದಲ್ಲೂ ಮೀನುಗಳನ್ನು ಅರಸುತ್ತಿದೆ ಮಿಂಚುಳ್ಳಿ,
ತಮ್ಮ ಕಾಯಕಗಳನ್ನು ಪ್ರೀತಿಸುತ್ತಾ ಚಳಿಗಾಲಕ್ಕೆ
ತಮ್ಮ ಮನೆಗಳನ್ನು ಸೇರುವಂತೆ!
- ಪ್ರಸನ್ನ ರೇವನ್
ಮುಂಗಾರಿನ ಪುಳಕಗಳನ್ನು ಸ್ವಾಗತಿಸುತ್ತಾ...
ಮೊನ್ನೆ ಬಿಸಿಲ್ಮಳೆಯೊಂದು ನನ್ನನ್ನು ತೋಯೆಸಿದಾಗ ನನಗೆ ನೆನಪಾಗಿದ್ದು ನನ್ನ ಬಾಲ್ಯ... ಚಿನ್ನದ ಬಿಸಿಲಿನಲ್ಲಿ ಮುಂಗಾರಿನ ಮಳೆಹನಿಗಳು ರಪರಪನೆ ಸುರಿದಾಗ ಆದ ಪುಳಕ! ಹಂಚಿನ ಮನೆಯಲ್ಲಿದ್ದಾಗ ಮಳೆಯ ತಾಳ ಮತ್ತು ಗುಡುಗಿನ ಮೇಳದ ಸದ್ದು ತರುತ್ತಿದ್ದ ನಾದ... ತೋಟದ ಮನೆಯ ಮೊಗಸಾಲೆಯಿಂದ ಹನಿಗಳು ನೆಲಕ್ಕೆ ಅಪ್ಪಳಿಸುತ್ತಿದ್ದಾಗ ಆಗುತ್ತಿದ್ದ ಚಿಕ್ಕ ಗುಂಡಿ ಮತ್ತು ಪಳ ಪಳ ಸದ್ದು! ಇಂತಹ ನೆನೆಪುಗಳನ್ನು ನಿಮ್ಮೊಡನೆ ಹಂಚಿಕೊಳ್ಳುವ ಬಯಕೆಯೇ ಈ ಬ್ಲಾಗು!!!
Subscribe to:
Posts (Atom)