ಅದುರುವ ಕೈ ಒತ್ತಿ ಅದುಮಿ ಮೆಲ್ಲಗೆ 'ಕ್ರೈ ಬೇಬಿ' ಎಂದಳು
ಅವಳ ದನಿ ಸ್ವಲ್ಪ ದಪ್ಪ, ಕರ್ಕಶ ಎನಿಸಿದರೂ
ಅದರೊಳಗೆ ಕದಡಿದ ಹಸಿ ಅನುಭವಗಳ
ಮಾಧುರ್ಯದ ಇಂದ್ರಚಾಪದಿಂದ
ಎಂಥಾ ನೋವಾದರೂ ಪುನೀತ!
ಅವಳ ದನಿ ಸ್ವಲ್ಪ ದಪ್ಪ, ಕರ್ಕಶ ಎನಿಸಿದರೂ
ಅದರೊಳಗೆ ಕದಡಿದ ಹಸಿ ಅನುಭವಗಳ
ಮಾಧುರ್ಯದ ಇಂದ್ರಚಾಪದಿಂದ
ಎಂಥಾ ನೋವಾದರೂ ಪುನೀತ!
ಬದುಕಿನ ದಟ್ಟನೀಲಿ ದಿಗಂತದಲ್ಲಿ ಮಿಣುಕುವ
ಅವಳ ಟೇಲ್ ಲೈಟನ್ನು ಕನಸಿನಂತೆ ಹಿಂಬಾಲಿಸಿ
ನಿರ್ಜನ ತೀರದಲ್ಲಿ ಬಿಡಾರಹೂಡಿ
ನಕ್ಷತ್ರ ಹೊದ್ದು ಮಲಗಿ ಕಂಡಿದ್ದು
ಸಾವಿರ ಭಾವಗಳ ಸುದೀಪ್ತ ಜ್ವಾಲೆ!
ಅವಳ ಟೇಲ್ ಲೈಟನ್ನು ಕನಸಿನಂತೆ ಹಿಂಬಾಲಿಸಿ
ನಿರ್ಜನ ತೀರದಲ್ಲಿ ಬಿಡಾರಹೂಡಿ
ನಕ್ಷತ್ರ ಹೊದ್ದು ಮಲಗಿ ಕಂಡಿದ್ದು
ಸಾವಿರ ಭಾವಗಳ ಸುದೀಪ್ತ ಜ್ವಾಲೆ!
ಲಕ್ಷ ಜನರ ನಡುವೆ ಹಾಡಿದರೂ ಏಕಾಂಗಿಯಾಗಿ
ಹೆಮ್ಮೆಯಿಂದ ನರಳಿದಳು
ಯಶದ, ಪ್ರೀತಿಯ ತೆಕ್ಕೆಯಿಂದ ಮೆಲ್ಲಗೆ ಜಾರುತ್ತಲೇ,
ಕಳೆದುಕೊಳ್ಳುವುದಕೇನು ಉಳಿಯದಿರುವುದೇ
ನಿರ್ಮುಕ್ತಿಯಲ್ಲವೇ ಎಂದು ನಕ್ಕವಳು
ಹೆಮ್ಮೆಯಿಂದ ನರಳಿದಳು
ಯಶದ, ಪ್ರೀತಿಯ ತೆಕ್ಕೆಯಿಂದ ಮೆಲ್ಲಗೆ ಜಾರುತ್ತಲೇ,
ಕಳೆದುಕೊಳ್ಳುವುದಕೇನು ಉಳಿಯದಿರುವುದೇ
ನಿರ್ಮುಕ್ತಿಯಲ್ಲವೇ ಎಂದು ನಕ್ಕವಳು
ಕೈಯಲ್ಲಿ ಕೈಹಿಡಿದು ಅಂತರಂಗದ ಅನಲವನ್ನು
ದಾಟಿಸುತ್ತಲೇ, ಕಡುಪ್ರೀತಿಯ ಕೆನ್ನಾಲಿಗೆಗಿರುವ
ಕನ್ನೈದಿಲೆಯಂತ ಮಾರ್ದವತೆಯ ದರ್ಶನ ಮಾಡಿಸುತ್ತಾ
ಲೋಕದ ನಿಯಮಗಳನ್ನು ಮುರಿದು ಮುಕ್ಕಿದ,
ನಿಯತಿಯನ್ನರಿಯದೆ ಪ್ರೇಮಜ್ವಾಲೆಯಲ್ಲೇ ಭಸ್ಮವಾದ
ಚೇತನ ನನ್ನ 'ಜೊಪ್ಲಿನ್'!
ದಾಟಿಸುತ್ತಲೇ, ಕಡುಪ್ರೀತಿಯ ಕೆನ್ನಾಲಿಗೆಗಿರುವ
ಕನ್ನೈದಿಲೆಯಂತ ಮಾರ್ದವತೆಯ ದರ್ಶನ ಮಾಡಿಸುತ್ತಾ
ಲೋಕದ ನಿಯಮಗಳನ್ನು ಮುರಿದು ಮುಕ್ಕಿದ,
ನಿಯತಿಯನ್ನರಿಯದೆ ಪ್ರೇಮಜ್ವಾಲೆಯಲ್ಲೇ ಭಸ್ಮವಾದ
ಚೇತನ ನನ್ನ 'ಜೊಪ್ಲಿನ್'!
-ಪ್ರಸನ್ನ ರೇವನ್