ಕನಸುಗಳೇ
ನಯನಗಳೊಳಗೆ ಅವಿತಿರುವ ಕನಸುಗಳೇ
ಹೃದಯದ ಕಂದರವನ್ನೊಡೆದು ಬನ್ನಿ
ಬನ್ನಿ ನನ್ನ ಸವ್ಯದ ಭವಿತವ್ಯಕೆ
ಸನ್ನಿಹಿತವೆನಿಸುವುವು ಎನ್ನ ಅಂತರಂಗದ
ಮಿದುವು, ಸೆಡವು, ಅಪರೋಕ್ಷ ರೂಕ್ಷತೆಗಳು
ವಿದ್ಯೆ, ಚೆಲುವು, ಪ್ರೀತಿ, ಇತ್ಯಾದಿ
ಕಾಲಕಾಲಗಳನ್ನು ಮೀರಿ, ಹೆಜ್ಜೆ,
ಗೆಜ್ಜೆಗಳನು ದಾಟಿ, ಎಡವಿ, ಎಗರಿ
ಕಮರಿ, ಕಲಕಲನೆ ಕಲೆತು, ಅಮರಿ
ಬನ್ನಿ ಸಾಕು ನನ್ನೆಡೆಗೆ, ನನ್ನೆದೆಗೆ
ಹನಿಯಾಗಿ, ಇಹವಾಗಿ, ನಿಜವಾಗಿ
ನನ್ನ ಇಹದ ಅನಿಮಿಷದ ಬದುಕಿಗೊಮ್ಮೆ ಬನ್ನಿ
-ಪ್ರಸನ್ನ ರೇವನ್
ನಯನಗಳೊಳಗೆ ಅವಿತಿರುವ ಕನಸುಗಳೇ
ಹೃದಯದ ಕಂದರವನ್ನೊಡೆದು ಬನ್ನಿ
ಬನ್ನಿ ನನ್ನ ಸವ್ಯದ ಭವಿತವ್ಯಕೆ
ಸನ್ನಿಹಿತವೆನಿಸುವುವು ಎನ್ನ ಅಂತರಂಗದ
ಮಿದುವು, ಸೆಡವು, ಅಪರೋಕ್ಷ ರೂಕ್ಷತೆಗಳು
ವಿದ್ಯೆ, ಚೆಲುವು, ಪ್ರೀತಿ, ಇತ್ಯಾದಿ
ಕಾಲಕಾಲಗಳನ್ನು ಮೀರಿ, ಹೆಜ್ಜೆ,
ಗೆಜ್ಜೆಗಳನು ದಾಟಿ, ಎಡವಿ, ಎಗರಿ
ಕಮರಿ, ಕಲಕಲನೆ ಕಲೆತು, ಅಮರಿ
ಬನ್ನಿ ಸಾಕು ನನ್ನೆಡೆಗೆ, ನನ್ನೆದೆಗೆ
ಹನಿಯಾಗಿ, ಇಹವಾಗಿ, ನಿಜವಾಗಿ
ನನ್ನ ಇಹದ ಅನಿಮಿಷದ ಬದುಕಿಗೊಮ್ಮೆ ಬನ್ನಿ
-ಪ್ರಸನ್ನ ರೇವನ್