ಚಿತ್ರಬರೆಯಲು ಸಾಲದು
ಬ್ರಷ್ಷು, ಹಾಳೆ, ಬಣ್ಣ, ಇತ್ಯಾದಿ
ನಿನ್ನ ಬಳಿಯಿದೆಯೇ ತಣ್ಣನೆಯ ಮನಸ್ಸು,
ಪುಟ್ಟ ಮೂಲೆ, ವಿಶಾಲ ಹೃದಯ?
ಬ್ರಷ್ಷು, ಹಾಳೆ, ಬಣ್ಣ, ಇತ್ಯಾದಿ
ನಿನ್ನ ಬಳಿಯಿದೆಯೇ ತಣ್ಣನೆಯ ಮನಸ್ಸು,
ಪುಟ್ಟ ಮೂಲೆ, ವಿಶಾಲ ಹೃದಯ?
ಬೆರಳುಗಳೇ ಕುಂಚ, ಆಕಾಶವೇ ಕ್ಯಾನ್ವಾಸ್!
ನಿನ್ನ ಮನಸ್ಸೇ ಗುರು, ಅದು ಬೇಡುವ ಸಂಬಳ
ನಿನ್ನ ದೈನಂದಿನದ ತಪಸ್ಸು
ಉಜ್ವಲ ಕನಸು ಮತ್ತು ಸ್ವಲ್ಪ ಬಿಂಕ!
ನಿನ್ನ ಮನಸ್ಸೇ ಗುರು, ಅದು ಬೇಡುವ ಸಂಬಳ
ನಿನ್ನ ದೈನಂದಿನದ ತಪಸ್ಸು
ಉಜ್ವಲ ಕನಸು ಮತ್ತು ಸ್ವಲ್ಪ ಬಿಂಕ!
ಮೀನುಮರಿಯಂತೆ ಪುಸಕ್ಕನೆ ಜಾರಿಬಿಡಬಹುದು
ನಿನ್ನ ಚಿತ್ರಸುಂದರಿ, ಎಚ್ಚರ...
ಗೀಚಿ ಬಂಧಿಸಿಬಿಡು ಮುಕ್ತಗೆರೆಗಳಲ್ಲಿ!
ಚೆಲ್ಲಿಬಿಡು, ಚಿಮ್ಮಿಬಿಡು
ಮನಸ್ಸಿನ ಬಣ್ಣಗಳನ್ನು ಎಲ್ಲೆಡೆಗೆ...
ನಿನ್ನ ಚಿತ್ರಸುಂದರಿ, ಎಚ್ಚರ...
ಗೀಚಿ ಬಂಧಿಸಿಬಿಡು ಮುಕ್ತಗೆರೆಗಳಲ್ಲಿ!
ಚೆಲ್ಲಿಬಿಡು, ಚಿಮ್ಮಿಬಿಡು
ಮನಸ್ಸಿನ ಬಣ್ಣಗಳನ್ನು ಎಲ್ಲೆಡೆಗೆ...
ಸುತ್ತಲೂ ಕಾಣುವುದೆಲ್ಲ ದೈವ ಕಲಾವಿದನಿಗೆ,
ನಿನ್ನ ದೃಷ್ಟಿ ಸೃಜಿಸುವುದೆಲ್ಲ ಕಲೆ
ಪರಿಧಿ, ವಿನ್ಯಾಸ, ಲಾಲಿತ್ಯ, ದರ್ಶನ,
ಕಾರಣ, ರೂಪಕದ ಗೋಜು ನೋಡುವವರಿಗೆ!
ನಿನ್ನ ದೃಷ್ಟಿ ಸೃಜಿಸುವುದೆಲ್ಲ ಕಲೆ
ಪರಿಧಿ, ವಿನ್ಯಾಸ, ಲಾಲಿತ್ಯ, ದರ್ಶನ,
ಕಾರಣ, ರೂಪಕದ ಗೋಜು ನೋಡುವವರಿಗೆ!
-ಪ್ರಸನ್ನ ರೇವನ್
No comments:
Post a Comment