ನೇಸರನ ಬೆಳಕು ಥಳಥಳಿಸುತ್ತಿದ್ದ
ಕೊಡವನ್ನೆತ್ತಿದಳು ಬಾಲೆ ಬಾವಿಯಿಂದ
ಚಿಮ್ಮಿದಳು ಬೊಗಸೆ ನೀರನ್ನು ಆಕಾಶದತ್ತ!
ಎತ್ತರಕ್ಕೇರಿದ ನೀರು ಹೊರಳಿತು
ದೇಗುಲದ ಅಂಗಳದತ್ತ!
ಚಿನ್ನದ ಗುಲಾಬಿಯಂತಹ ಬೆಳಗು ಹೊತ್ತಿಸಿತು
ದೇಗುಲದ ಶಿಲಾ ಗೋಪುರವನ್ನು!
ಮರಗಳ ತರಗಲೆಗಳೇರಿದುವು
ಗಾಳಿಯೊಂದಿಗೆ ಆಕಾಶವನ್ನು!
ನಿನ್ನೆ ತಾನೆ ನಿವೃತ್ತಿ ಹೊಂದಿದ ರಾತ್ರಿ
ಮರಳಿಬಂದಿದೆ ಇಂದು ನಮ್ಮ ಊರಿಗೆ ಬೆಳಕಾಗಿ
ಒಣಗಿ ಬಿರಿದ ನೆಲಕೆ ಜೀವದ ಹನಿಯಾಗಿ!
- ಪ್ರಸನ್ನ ರೇವನ್
No comments:
Post a Comment