ಹಂಪಿಯ ಮತಂಗವನ್ನೇರಿ ನಿಂತಾಗ
ಸ್ವರ್ಗ, ಭೂಮಿಗಳಂತರದ ವೈಶಾಲ್ಯದಾಘಾತ!
ಕಗ್ಗಲ್ಲುಗಳ ತಂಪು ಮೈಯ್ಯನೆ ತಿದ್ದಿ ಬಂದ ತಂಗಾಳಿ
ಪೂರ್ವದಿಗಂತಕ್ಕೆ ನುಗ್ಗಿದೆ ಪಂಪೆಯ ನೀರು!
ಸಾವಿರಾರು ಜೀವಗಳ ಕ್ಷುದ್ರ ಬದುಕ ನೋಡಬಹುದು
ಮತಂಗನ ಮಸ್ತಿಷ್ಕದ ಮೇಲಿನಿಂದ
ಸ್ವರ್ಣ ಸೂರ್ಯನಿಗೆ ಸಮಾನಾಂತರವಾಗಿ!
ಅನಂತಾನಂತ ಮೇಘಗಳ ಮುಗಿಲಿನಳೆಯುತ
ಗರುಡನ, ಭಾರದ್ವಾಜನ, ಗೀಜಗನ ಗೂಡುಗಳನ್ನು
ಇಣುಕುತ, ನಿನ್ನನ್ನೇ ನೀನು ನೋಡ ಬಹುದು
ಮತಂಗನ ಮಸ್ತಿಷ್ಕದಿಂದ!
- ಪ್ರಸನ್ನ ರೇವನ್
No comments:
Post a Comment